Matayo 13:44 - Biblía Axweesantá Hhohho' ar Mungú 2004

⁴⁴ «Slám waawuti'iimár doori a slaqás nee daqaari'iimár taa foól baraá qaymorka. Nee hee ngiwa ár, gari luú/, iri tláy ar qwala/, muruuwós kudá' sleémeero i kon dír do'o guri weeriís, qaymoodá' gari tlaáxw.»

Ya/abtór hho' 1977

⁴⁴ “Slám waawuti'iimár doori a slaqás nee peésár taa foól baraá qaymorka. Nee hee ngiwa ár, gari luú/, iri tláy ar qwala/, nee muruuwós kudá' sleémeero i kon dír do' guri weerisár áy, nee qaymoodá' gari tlaáxw.”

Matayo 13:44 Iomraidhean Croise

YOBU 28:13

Sagalooa adór kar afhhamít hee ga xuiiká, sleeme baraá yaamaá múk slafa a aandaaká.

AXWEESANOÓ SAGALOOA 16:16

A gár hhoo' sagalooa kawa sleer ta sahaábuwo, sleeme a gár hhoo' tsaahha kawa sleer ta muqslidár peésaaro.

AXWEESANOÓ SAGALOOA 17:16

Gár heé daktani is sagalooár tlaxwtá wa slai, barqo inós i fuqurángw konká.

AXWEESANOÓ SAGALOOA 18:1

Heé dír múk sla'aaká gár i slai a tós kilós, Bar ku gurbu'úngw hhó' í kah in slaaqw.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

Matayo 13:24

Yesu gina slaqsoó hatlá' báy, iri oó', «Waawuti'iimár doori a slaqás nee heé dahaasíngw hhó' gwa baraá qaymoorós i dahaas.

Matayo 13:46

Nee inós miislirka wák ngiwa ár, ar tlaxo ur, iri tláy, muruuwós kudá' i kon sleémeero guri weeriís, miislidá' gari tlaáxw.»

Matayo 13:47

«Slám waawuti'iimár doori a slaqás nee baratsufoó taa kwaáhh baraá tlawi. Baratsufaydá' siyoó umuúqo daa'awto ngway ohín.

Matayo 19:21

Yesu guri báy, «Barnaxes kuúng a heé ganaá' tlehhitár wa slá', tláw, muruudá' ta koon weeriseek, peésaadá' ka hanís dír narkuute, daqaní aníng ir eehát. Kuúng daqaari'iimarók a gawaá doorií eér.»

Matayo 19:27

Petro iri oó', «Qaytsiít, xáy atén mura' sleémeero ugwa geexawaán, kuúng uri eeharaán, gár atén ta slawaan a milá?»

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 6:21

Asma didá' daqaari'iimarhúng i diri', an didá' munerhúng i diri' sleeme.»

Luka 14:33

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon gwa geexayká.»

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.