Matayo 13:41 - Biblía Axweesantá Hhohho' ar Mungú 2004

⁴¹ Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Ya/abtór hho' 1977

⁴¹ Garmoó Hee malaykeerós ngi ya/aaw, nee malaykeedá' mukdá' sleémeero aa dukuutse tleehhiit nee mukdá' tlakweema gaa tleehh, guri burumbút guri hingés baraá waawuti'iimár Garmoó Heewo.

Matayo 13:41 Iomraidhean Croise

2 SAMUELI 23:6

Ala kudá' sleémeero Mungú ngwa ilaiwawa/ii'iiká, a adór laqayaá taa kwaáhh, asma taatahhár daba' ngi ya/ana'aaká.

SEFANIA 1:3

Hee nee makiito'ooro in qwaareés nee tsir/ór gáwtí tlatlaawa nee siyoó baraá tlawto, dukuutse nee kudá' tlakwe sleémeero in qwaareés. Hee un amór saáw i kwaáhh as miwa deeruút baraá yaamuwo. Anuú AAKOÓ MUNGÚ tí ngina oó'.

Matayo 13:49

Adoorí an adór tleehharuut bál deelór alhhe'eesoó yaamuwo. Malayke nin hardát, mukdá' tlákw guri amór saáwí parátl dír kudá' hota ganaa'a.

Matayo 18:7

Múk baraaká' yaamu, a tsaxwaaín, asma muruú yaariír i deer oo múk gee/asliím baraá tlakweema. Muruuwí inqo tawó deer, ala heedaádá' ngu huwaahuúw, a tsaxwaawós.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Marko 13:27

aluuwo malayke gari ya/aaw, badu tsiyahhaawo awa yaamu, iimír alhhe'eesaywí wa tleemu ay kuqá', as mukós kudá' aa tsawaár nguwa burumbut.»

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.