Matayo 13:35 - Biblía Axweesantá Hhohho' ar Mungú 2004

³⁵ as /aymuuduú aarusmo aa oó' iwa boo/i, kudá' iwa káh, «Aníng an axweés ar slaqsi'i, Muruudá' taa luú/ iimír tlehhmuú yaamuwo un alki/iít.»

Ya/abtór hho' 1977

³⁵ as /aymuuduú aarusmo Isaya aa oó' iwa boo/i, kudá' iwa káh, “Aníng an axweés ar slaqsi'i, an tseé' ar afór ur tidaádá' taa luú/ iimír tlehhmuú yaamuú wa ale.”

Matayo 13:35 Iomraidhean Croise

WARA'AMI 49:4

Iia an qaás axweesantá bo/ ngiwa tsaahh, sinikar'eé' an gwa/atís ar daa'ángw gidaandoori.

WARA'AMI 78:2

Afkwe'eé' un waatleés niwa axwees ar slaqsi'i, as lu/aaráyduú qaro nguwa oo'.

ISAYA 42:9

Ga/aawaak, muruudá' naa geerií oó' aa tleehharuút, hám daxta a muruú /abén un káh dír ira ti'itiiká aníng un oó'.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

Matayo 13:14

Nee /aymuú aarusmo Isaya aa boó/ dir'ine, kudá' iwa káh, ‹Axaasaro a axasá', ala a tsahha'aaká. Qaytsitaro a qaytsitá', ala a aanda'aaká.

Matayo 13:3

Yesu muruú yaariír guri dir'ín i axweés ar slaqsi'i, iri káh, «Heeko wák ina dahaasíngw áy.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 5:2

Giri iimu/ún intsaahhatimisuuwo, iri oó',

Luka 10:14

Bál deelór sakwasleemaro a tsiní múk Tiro nee Sidoni, sakwasleemar'ín ngiwa ilií oohiya', ta kuungane.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Tlehhema'aá ya/Abuuse 15:18

aa xu'utiít iimír aange.› »

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.