Matayo 13:27 - Biblía Axweesantá Hhohho' ar Mungú 2004

²⁷ Heedaáduú qaymo loó' lawaaleerós guri i daqeér, guri yaahás, guri beér, ‹Ahaá, baré kuúng dahaasíngw hhó' una dahás, ala sla/atadá' i dáhh?›

Ya/abtór hho' 1977

²⁷ Lawaalér heedaáduú qaymo loó' guri i daqeér, guri yaahás ar gidaabá, ‘Ahaá, baré kuúng dahaasíngw hhó' una dahás, ala sla/ataqá' i dáhh?’

Matayo 13:27 Iomraidhean Croise

Matayo 13:25

Qoomár xweeraawo sleémeero tawa guú', wakusmo ina hardáh, sla/a gari dahaás baraá tla/ángw angaáno, iri quútl.

Matayo 13:26

Qoomár angaáno iwa hapapaa'amiít nee iwa /uuntluumisi, sla/a sleeme iri geehhoouúr.

Matayo 13:28

Inós giri báy, ‹Wakusmo adoosíng gana tleéhh.› Inooín nguri bayé', ‹A slá'a sla/atadá' ngiwa burumburtá awaan?›

Matayo 20:1

«Waawuti'iimár doori a slaqás nee heé qaymór sabiíbu ga koóm. Inós ina tseewa ti'iít as doosluuse ngiwa leelehhtuú ay, ngiwa huwi baraá qaymoorós ar sabiíbu.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

1 Korinto 16:10

Ala Timoteo barnaxes naa hardáh amorhúng i alé, amohhe'eemisaak as miwa hoót ar dae. Asma inós a heé gadiyér Aakoó tlehhiít adór aníng wa alé.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.