Matayo 13:24 - Biblía Axweesantá Hhohho' ar Mungú 2004

²⁴ Yesu gina slaqsoó hatlá' báy, iri oó', «Waawuti'iimár doori a slaqás nee heé dahaasíngw hhó' gwa baraá qaymoorós i dahaas.

Ya/abtór hho' 1977

²⁴ Yesu gina slaqsoó hatlá' báy, iri oó', “Waawuti'iimár doori aa slaqamiimís nee heé dahaasíngw hhó' gwa dahaas baraá qaymoorós i alé.

Matayo 13:24 Iomraidhean Croise

ISAYA 28:10

Asma hara'aya gan daanduú tiqá' wa oo', nee axweesani gan gawaá tiqá' í tsa/aas, daqtihe tí gan oo', daqtihe tiqá' gan oo'.»

ISAYA 28:13

Gawaá adoorihe, AAKOÓ MUNGÚ inooín gin adór na/'ií wa i axwees, hara'aya gan daanduú tiqá' wá oo', axweesani gan daanduú tiqá' i tsa/aas, daqtihe tí gan oo', daqtihe tiqá' gan oo', as kahhó' niwa /akumiitiya' niri alií huuhu'uná', niri qeqtiná', kiri uhín, kiri ar tláy.

ESEKIELI 17:2

«Heewí, siník ooeek, múk Israeli slaqsaywí baweek.

Matayo 13:19

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa baraá muunuú heéwi dahaás guri hingees. Kwí an kudá' aa paahh afaá loohi.

Matayo 13:25

Qoomár xweeraawo sleémeero tawa guú', wakusmo ina hardáh, sla/a gari dahaás baraá tla/ángw angaáno, iri quútl.

Matayo 13:31

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee ilmoó xa'anooko ta bay haradaáli, oo hee aa baraá qaymoorósí dahaás.

Matayo 13:33

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee gár mikaáte ir sluufaasluf, ar /ameeni aa qás baraá puuruú, oo har afi qoomoó deebadaá tsár, tam puuruúdá' sleémeero iri sluúf.»

Matayo 13:37

Yesu iri oó', «Heedaádá' dahaasíngw hhó' gwa dahaas a Garmoó Hee.

Matayo 13:47

«Slám waawuti'iimár doori a slaqás nee baratsufoó taa kwaáhh baraá tlawi. Baratsufaydá' siyoó umuúqo daa'awto ngway ohín.

Matayo 18:23

Gawaá adoorihe waawuti'iimár doori a slaqamís nee waawutmooko wák oo faarór muruuwós gaa slaa' dír lawaaleerós.

Matayo 20:1

«Waawuti'iimár doori a slaqás nee heé qaymór sabiíbu ga koóm. Inós ina tseewa ti'iít as doosluuse ngiwa leelehhtuú ay, ngiwa huwi baraá qaymoorós ar sabiíbu.

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Matayo 22:2

«Waawuti'iimár doori slaqsaywós a adór waawutmooko wák oo muruú /aymár úr gwa qaas as garmaawós oo duuxuuxuúm.

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Luka 13:18

Gawaá adoorihe Yesu iri oó', «Waawuti'iimár Mungú gár kara slaqamís a milá? Laqaá aníng gár ngir alqoomees a milá?

Luka 13:20

Yesu iri malé oó', «Waawuti'iimár Mungú gár ngir alqoomees a milá?

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.