Matayo 13:23 - Biblía Axweesantá Hhohho' ar Mungú 2004

²³ Nee kudá' aa paahh baraá hhapér hho', an slaqsoó múk axweesantadá' gaa axaas, nee gár i kat gari tsaáhh. Axweesantadá' baraá muner'ine iri laqwál, oo wák mamu ay tsiiru, nee kuqá' mamu mibeeri lahhoó', nee oo hatlá' mamu mibeeri tám.»

Ya/abtór hho' 1977

²³ Nee kudá' aa paahh baraá hhapér hho', an mukdá' axweesantadá' gaa axaas, nee gídaabárós gari tsaáhh. Axweesantadá' iri laqwál baraá muner'ín i alé, oo wák tsiiru, nee kuqá' mibeeri lahhoó', nee oo hatlá' mibeeri tám.”

Matayo 13:23 Iomraidhean Croise

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

ESEKIELI 36:26

Aníng kuungá' nun muunuú /abén i haniís, nee qeeruú /abén nguri qaás baraahúng i alé. Muunuúdá' gawít baraahunge oo adór tlaa/ano un hingeés, nee nuri muunuú ilaiwa/amér i haniís.

Matayo 12:33

«Xa'ano burku hhoó', mamuuwós ki hho', laqaá xa'ano burku tlaákw, mamuuwós sleeme ki tlakw. Asma xa'ano gár kur tsaahhi a mamuuwós.

Matayo 13:8

Nee dahaasíngw hatlá' iri paáhh dír hhapér hho', iri laqwaál, oo wák tsiiru, nee oo wák mibeeri lahhoó', nee oo hatlá' mibeeri tám.

Matayo 3:10

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká, ku tsaat, kway kwaahh baraá asla.

Matayo 3:8

Tlehhma'aá hhu'u'ungwhúng ngu laqaqamá' na tleehhaak.

Marko 10:15

Án a kah, heé waawuti'iimár Mungú gaa ya/aniká adór na/oó niinár ale, i dahiiká baraá waawuti'iimarihe.»

Marko 4:20

Nee kudá' taa dahaás baraá hhapér hho' an slaqsoó mukdá' axweesantadá' gaa axaas, nee gari ilaóh. Axweesantadá' irí laqwál baraá muner'íne, mamu mibeeri tám, nee mamu mibeeri lahhoó', nee mamu tsiiruú wák.»

Luka 13:9

Bar mamu ngaa laqwál aluuwo, ka hhoo'. Ala bar ngaa laqwaliká, daqaní ka tsát.› »

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Luka 8:8

Oo hatlá' iri paáhh baraá hhapér hho', niri ti'iít iri laqwaál oo wák tsiiru.» Kaangwí nguwa dir'ín i kaahi, ina tseé' iri oó', «Heé iaá axamis gi koóm, i axaasi.»

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 8:47

Heé Mungú axweesantá Mungú gaa iiárií qamín. Ala kuungá' a axamisa'aaká, asma kuungá' a múk Munguheeká.»

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

2 korinto 9:10

Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

2 Tesalonike 2:10

Nee umuúqo loohír al/aymaaro gari tleehh as kudá' sleémeero awa baraá loohír qwanáy i diriiá' ngira qwaareesi. Inooín tan qwaar asma looeema kaa slaiiká ilaooharo, looeemaadá' geeraawo inooín ngi ba/amisá'.

Ebrania 4:2

Asma Ya/abtór hho' direne kinga alki/iít adoodá' kara alki/iít dír mukduú aange. Ala Ya/abtoodá' inooín gár ngiwa gaa bú' i káhh. Asma kaa axaás, ala kaa haratlintii'iiká baraá muner'ine.

Ebrania 6:7

Yaamaá ta du'umiís nee tluwaay daqtá yaariire, nee bu'úngw hhó' nguri laqwaaliyé', oo slaasláwár huwahuúw dír dooslusmoowo, yaamaá adoorí tsuuqaá Mungú ngi slayá'.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.