Matayo 12:42 - Biblía Axweesantá Hhohho' ar Mungú 2004

⁴² Bál deelór sakwasleemaro waawuto'ór basa i sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Solomon ngiwa axaasár eer. Ala diirihe heé úr i deer oo Solomon gu baá/.»

Ya/abtór hho' 1977

⁴² Bál deelór sakwasleemaro waawuto'ór basa i sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Sulemani ngiwa axaasár eer. Ala diirihe heé úr i deer oo Sulemani gu baá/.”

Matayo 12:42 Iomraidhean Croise

1 WAAWITÁ 10:24

Múk baraá yaamu sleémeero Solomon kuna artá wa slaá' as sagalooarós tidá' Mungú aa haniís kawa axaasi.

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

1 WAAWITÁ 4:29

Mungú Solomon guna sagalooárí haniís nee tsaahha nee xu'utír yaariir adór hhasángw afaá tlawi.

1 WAAWITÁ 4:34

Múk xoordu sleémeero guri i daqaaqáy as sagalooarós kawa axamiisi, iimír waawituú yaamu sleémeero kudá' kángw sagalooár Solomon ngwaa axaasiye'.

1 WAAWITÁ 5:12

AAKOÓ MUNGÚ Solomon guri sagalooárí haniís ar adoodá' ngira al'axweés. Solomon nee Hiramu tana waydúr hoót, inooín tsaraawo al'axweesani kari qaás.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

Matayo 12:41

Bál deelór sakwasleemaro múk Ninewi i sihhiit dinkwa nee múk de'emaaká'. Ala múk de'emaaká' ku sakwasleemuut as tlakweemaaín nee múk Ninewi. Asma múk Ninewi ina hhu'uu'ún, axweesantá Mungú tidá' Yona aa dahareemiís ngiwa axaás. Ala diirihe heé úr i deer oo Yona gu baá/.

Matayo 12:6

Ala án nu baw, diirihe heé ak úr i deer ta Doó Munguhe.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

DABE 30:13

Laqaá sleeme i gayuú tláwtí diri'ká, tam kuungá' tari oa', ‹Heé waaraáhh ay gayuquú tlawi as atén a heemá, as kahhó' ngiwa amoorén i huwi, as atén kawa axasaan nee kawa iialooeesaan.›