Matayo 12:39 - Biblía Axweesantá Hhohho' ar Mungú 2004

³⁹ Giri báy, «Qartá tlaakw nee ar tsaatuuse i layár leelehhít. Ala layár ta slay i káhh, aqo har layár aarusmo Yona kilós.

Ya/abtór hho' 1977

³⁹ Giri báy, “Qartá tlakw nee ar tsaatuuse i layár leelehhít. Ala layár ta slay i káhh, ala a har layár aarusmo Yona kilós.

Matayo 12:39 Iomraidhean Croise

2 WAAWITÁ 14:25

Yaamaá aáng awa múk Israeli gina hayóh iimír dír Waarahhamaá Hamatír wa tleemu ay Tlawtá Araba. Adoorí an adoodá' AAKOÓ MUNGÚ aa oó' ar loohír sagadiyusmoowós aarusmo Yona, garmoó Amitai, heé yaamaá Gat-heferi.

ISAYA 57:3

Ala kuungaá diirií tseewuwaare', kuungaásaá na/aá da/aluuso'o, xwaylár fuquso'o nee tsaatuso'o.

YONA 1:1

Kaangwí an axweesantá AAKOÓ MUNGÚ, tidá' Yona garmoó Amitai, aa axaás, ar kah,

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Marko 8:12

Baraawose iri slahhaá', iri oó', «A milá mukú de'emaaká' mis layár leelehhiit? Án a kah, layár ta laqan i káhh dír mukú de'emaakae.»

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.