Matayo 12:10 - Biblía Axweesantá Hhohho' ar Mungú 2004

¹⁰ Heeko dakós aa sol'oot i baraadí dirii'. Yesu kuri yaahaás, tari oó', «Xáy, i hariínda muu kuwa hungu/uumisi deelór Sabaátoro?» Adoorí kana oó' as kuwa sakwasleemár wa slai.

Ya/abtór hho' 1977

¹⁰ Nee heeko dakós aa sol'oot i baraadí dirii'. Yesu kuri yaahaás, tari oó', “Xáy, i hariínda muu kuwa hungu/uumisi deelór hungu/umaawo?” Adoorí kana oó' as kuwa sakwasleemár wa slai.

Matayo 12:10 Iomraidhean Croise

ISAYA 32:6

Asma daktana gár i axwes a daktu'uuma, nee inslaway'ín gar i qoomeemesi a tlakweema. Muruú amór Mungú aasaaká ngun tlehhiitiyá', nee axweesanoó tlákw daanduú AAKOÓ MUNGUHE ngun kaahiyá', múk qwariít ngun qwárkwí ga/ayá', nee múk waxiít ngun /itiyá' ma'aywo.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

Matayo 12:2

Múk Farisayo adoodá' ngiwa ár, Yesu kuri báy, «Ga/aaweek, eeharuuseerók gár i tlehh a gár hariimaaká deelór Sabaátoro.»

Matayo 19:3

Yesu kuri i daqáy nee múk Farisayo as kuwa iiari, kuri báy, «Xáy, hee hareerós ngiwa geexay as umuúqo gaaro a hariímáro?»

Marko 3:2

Kuri gigidín as kuwa ari, áx heedaádá' gu hungu/uúsi deelór Sabaátoro, as kahhó' kuwa sakwasleemuuti.

Luka 11:54

as kahhó' /aymuú kur oohi kuwa slay baraá axweesanaywose.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

Luka 20:22

A hariímáro waawutmoó múk Roma kuwa koódír i hanisaan, laqaá aasla'áy?»

Luka 23:14

giri báy, «Heewí nguna dir'eéní hubé' as iwa múk sageqwaaremisi. Aníng una yaahamiís dír geeraahúng wa ale, ala án dakuúsár ni ara'ar baraá muruuwí kuwa sakwasleemuta' i káhh.

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Yohana 5:10

Múk Yahudi heedá' taa hungu/uús kuri báy, «Laarí a deelór Sabaáto, i hariindaaká kuúng tawa hhaftuú gagariin.»

Yohana 5:3

Baraá isleeridae boo/oó yaariír oo tiqtuuse aa qaqataatín, nee taampu, taqooraay nee múk aa sol'omiit, [ta ma'aá daamaarán iwa dahhiya'.

Yohana 7:23

Ala hee bir harín al/utlooro bál deelór Sabaátoro, as hara'ayár Mose makawa sií', ala án kuungá' adór ir i buhhaabuhha' a adoomá, bar hee una hungu/uús deelór Sabaátoro.

Yohana 8:6

Yesu kuna adoorí báy as kuwa iiari, as /aymuú Yesu kur sakwasleemuuti kuwa slay. Yesu iri yaamií xupuú', iri yaamií gooín ar diitsarós.

Yohana 9:16

Múk Farisayo bahh'alé tari oó', «Heesíng i amór Mungú dahhiiká, asma hara'ayár deelór Sabaáto ga eeharahariiká.» Ala bahh'alé tari oó', «Heé tlakweemaá koóm, layár adór tí tleehhamooro adór ngir aleeslay a adoomá?» Tiri kilooín afo dakumiisiyé'.