Matayo 11:5 - Biblía Axweesantá Hhohho' ar Mungú 2004

⁵ ‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Ya/abtór hho' 1977

⁵ ‘Taampu i xumisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 11:5 Iomraidhean Croise

2 WAAWITÁ 5:14

Naagáy Na'amani iri tláy ay baraá yaaér Yordani, iri /eét sagaá wa faanqw ar adoodá' Elisha heé Mungú ngira oó'. Inós iri ló'wa huunguú/. Kaahartá slaqwtós iri hhoohhouúr adór tiqár na/oó niiná.

2 WAAWITÁ 5:7

Waawutmoó Israeli barwito'oodá' ngiwa soomuús, tlabaawós giri feehhamiís, iri oó', «Ahaá inós ngi xui aníng an Mungúhe, kudaádá' hee gu gaás nee gu slafís, tam waawutmoowuú Aramu niri amor'eéní ya/abín as heewuú tiqtír tsatmit nguwa hungu/uus. Gám ga/aa/awaak heewí i gilaá leeleehhiit dir'eéní aleeró.»

WARA'AMI 146:8

AAKOÓ MUNGÚ taampu giri ila' qaytsitis, AAKOÓ MUNGÚ kudá' ta slahh'eemisi gin alee/iis, AAKOÓ MUNGÚ múk hota ganaá' gu slaa'.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

TI'INAANGW 4:11

AAKOÓ MUNGÚ iri oó', «Heé afkú hee gwaa axweesántí tleehh aa heemá? Laqaá heé afaawasli nee iawaslero, nee heé xuumiís nee oo taampaaro gaa tleehh a heemá? A anuú AAKOÓ MUNGUHEEKÁHE?

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 43:8

Mukwí geerií duuxare', kudá' ilaá koóm ala tam adoorihe i xumisiaaká, mukdá' iaá koóm ala i axmisiaaká.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

SEKARIA 11:7

Aníng niri de'eemusmoó bee/angwdá' ta tsu/tár ay tleehhiít daanduú mukdá' gu tlaxuúm wa alé, hhadaá tsár ngiri taataáhh, ar wák a «gurtleemu» nee ar tsár a «wakleelu'uuma» aníng niri bee/ángw de'éngw áw.

Matayo 10:8

Tiqtuuse hungu/uumisaak, nee múk aa qaatl waasle/atimisaak, nee múk tiqtír tsatimit hhoohhooeemisaak. Neetlaame duxumaak. Aga tawó sleeré', tawo hanmiisaak.

Matayo 11:4

Yesu giri mu/aywaáts giri báy, «Tlawsé' tí taa aandé' nee taa axasé' Yohane ti beere',

Matayo 12:13

Aluuwo heedaádá' guri báy, «Dakók gan'aaseek.» Dakós guri gan'aás, iri hunguú/, iri hhooáy adór kuduú tsár wa ale.

Matayo 21:14

Qoomár Yesu iwa baraá Doó Mungú i dirii'i, taampu nee taqooraywo nguna i daqayé', inós giri hungu/uumiís.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Matayo 9:30

Ilaaín niri qaytsitiyé'. Ala Yesu giri ló'wa gurbuú', giri báy, «Kaangwí mu baloó heé bawaara'.»

Marko 7:37

Waa/oo/amooro tari harwaaraáhh, tari káh, «Mura' sleémeero tlehhemuuwo gwa qoomeés. Heé iiawasli i axamiis, nee heé afewasli axweesani gaa aleesláy.»

Marko 9:25

Yesu ngiwa ár adór boo/oó muu ira tlaáhh didae, neetlaameedá' gari iigahhaát gari báy, «Neetlaamér afa wasli nar iia wasli, án a kah, quutlé' dír heewihe, slám mu baloó i ki/aara'.»

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Yohana 10:25

Yesu iri oó', «Án kuungá' naa qaroó ádbáw, ala kuungá' án i ya/a/aanda'aaká. Gadiyeérí aníng ni tlehhiit ar umuú Baabuúeé', an tidá' aníng i lamabu'uum.

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 5:36

Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Yohana 9:7

Guri báy, «Tláw, hamtlo aweek baraá tlahhasár Siloamu.» (Gídaabárós, «Oo taa ya/aáw»). Iri tláy, iri hamtlór áy. Niwa kií/ naxés i xumiis.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.