Matayo 11:29 - Biblía Axweesantá Hhohho' ar Mungú 2004

²⁹ Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Ya/abtór hho' 1977

²⁹ Ingitir'eé' gawaá sum'ihúng i qaasaak, dir'eé' wa intsatsahhaak. Asma aníng ti tsatsa'aár, nee muunuúeé' ku gurhhoó'. Daqaní kuungá' amohhooa a sleerá' baraá munerhunge.

Matayo 11:29 Iomraidhean Croise

2 QOM'I 10:11

Huwár kuungá' baabuúeé' nay tsa/aás ka ur, ala huwár aníng nuy tsa/aas ka iloo' ta tidár baabuúeene. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.› »

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 131:1

AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

AXWEESANOÓ SAGALOOA 3:17

Lohuuwós sleémeero bira aán in sla'atamiisiyá', nee umuúqo loohiro ka saxmaár.

ISAYA 28:12

Tam adoorihe inós aáng gina báy, «Dír hungu/usarhúng arengaay, heedaádá' aa slaaqaat i hungu/uusi, diirí an dír tay hungu/usa'.» Ala inooín iaaín ngina alií naatsiyé'.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Yohana 13:15

Asma slaqsaay nguna laqaám, as adoorí án naa kuungá' i tleéhh, kuungá' sleeme kawa tlehhita'.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

1 Korinto 9:21

Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

Filipi 2:5

Kuungá' masók muunuú adór kuduú Kristo Yesu un koondá'.

1 Tesalonike 4:2

Kuungá' hara'ayaadá' naa haniisaán a xuá', tidár amór Aako Yésú daahh.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 Yohana 2:6

Heé káh, «Aníng nee Mungú a dinkwa», gár kuwa hariím, a adoodár Kristo inós sleeme gan ar hoot.