Matayo 11:28 - Biblía Axweesantá Hhohho' ar Mungú 2004

²⁸ «Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Ya/abtór hho' 1977

²⁸ “Qwalaasé' amor'eé' kuungá' sleémeero awa daawimiitá' nee awa huuwa aa al iilouúr, án kuungá' nu hungu/uús.

Matayo 11:28 Iomraidhean Croise

YOBU 14:1

«Heé /ameeni aa laqwál, Deelór hotaawós ka ureeká, slám in hoot ar slahh'amu.

YOBU 5:7

Slahh'amu dír heé taa laqwaali a gár xu'utiit, aqo adór tsitór asla ir gáwtí /akumit.

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 32:4

Asma xweera nee tlaatla/aango dakók ina al iilooúy. Hame iri al kát, án tari adór yaamaá kaahaar awa qoomár age.

WARA'AMI 38:4

Tlakweemaaeé' naa tlahhiyé', iri harahuiyé' adór alwuór ma'aay. Ina al iilouyé' adór huwár gagaararo ni aleeslawaaká.

WARA'AMI 94:13

Kuúng un hungu/uumií hanís deelór slahh'amaayeero ay dír bohóngw heé tlaákw gu óh, foolaaro kway hhe'eesi.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:8

Umuú gaaro i slaaqatimís, slaaqamaayér hee ooaro i aslayká, ila xumsooro i hhe'eská, tam iia axamisuwo i hhe'eská.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 28:12

Tam adoorihe inós aáng gina báy, «Dír hungu/usarhúng arengaay, heedaádá' aa slaaqaat i hungu/uusi, diirí an dír tay hungu/usa'.» Ala inooín iaaín ngina alií naatsiyé'.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

YEREMIA 31:25

Kudá' naa slaaqamiitiye' slaaqamayer'ín aa fák, kudá' naa diqay tsatmiitiye' i /uurií haniís.

YEREMIA 35:16

Na/aá Yonadabu garmoó Rekabu, hara'ayadár baabuúín ngaa oohiyé', ala mukwí aníng iga iialooeesi'iiká.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Matayo 23:4

Inooín huwaá ilo' ki tsegiit nee kiri tsa/amiis gawaá sum'aá muu. Ala inooínaá kilá' tam kwatiitár diitsaro ki slaiiká.

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 7:37

Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

Tlehhema'aá ya/Abuuse 15:10

Gawaá adoorihe kuungá' mas Mungú iiara'adá' ar huwár iiloo' kawa tsa/amisa' gawaá sum'aá eeharuuse? Huwaarí baabi'iirén laqaá tam atén awa kilá' aga aleeslawaaniiká gagaararo.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.