Matayo 11:23 - Biblía Axweesantá Hhohho' ar Mungú 2004

²³ Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Ya/abtór hho' 1977

²³ Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá múk aa qaatl. Asma muruú xuawaslén aa tleehharuut diroge, geera dír iwa tleehharuút bar baraá Sodoma, geera Sodoma i deer ay laarí.

Matayo 11:23 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 32:24

«Waawutmoó Elamu sleeme i baraadá', kwaa harweér nee /aantaá slaqwaruuseerós tidá' taa tsuú/ baraá slaqwarár wa ale. Kudá' sleémeero taa hheehhe'eesiiká nina /eetiyé' baraá gi'ií alé. Qoomár iwa slafiya' muu nguna daandeemo feehhamiisiyé'. Ala hám daxta ta murer'ín loohiis dinkwa nee mukdá' /e/etiím baraá bohóngw gi'i.

OBADIA 1:4

Tam aga gáwtí tsa/aandi adór gwareesi, tam do'ók ugwa tlehhi baraá tla/ángw tsatse/, AAKOÓ MUNGÚ i kaahi, «I /arara'aás gáwtá wá ale ay yaamu.»

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 17:24

Tawa Kapernaúmúrií hardáh, mukdá' ohmér Doó Mungú ohiím Petro kuri i daqáy, kuri báy, «Intsaahhatusmoowók ohmér Doó Mungú ga hanmaamisiikáhe?»

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Matayo 8:5

Yesu iwa dáh baraá gixsár Kapernaumu, geeraharusmooko askaári iri hardáh dír Yesu, iri oó',

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 16:23

Iwa slahhahhai didár múk aa qaátl wa ale, ina gáwtí qaytsiít, Abrahamu gway amorqá' saáw i ár, Lasaro i geeraawós i dirii'.

Luka 4:23

Inós giri báy, «Án ngi slaá' kuungá' daxta i slaqsaywí beerá', ‹Aá qwaslaarámo, ti kilók hungu/us.› Nee sleeme án ngi slaá' i malé beera', ‹Muruudá' sleémeero taa axaasaán kudá' taa baraá Kapernaumúr wa tléhh, tleehheek sleeme diirihe baraá ayaawoge.› »

Tlehhema'aá ya/Abuuse 2:27

Asma kuúng qeeruueé' u baraá gi'ií meeraaká, laqaá Heewók oo hhoohhoó' u meeraaká iwa hhitiruuti.

Tlehhema'aá ya/Abuuse 2:31

Inós kángw waasle/uú Kristo guna ár ar baraá aaru'uuma, guri alki/iít iri oó', ‹Qeeruuwós gu baraá gi'ií mayká, nee tam slaqwtós aa hhitirutiká.›

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 11:8

Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.