Matayo 11:21 - Biblía Axweesantá Hhohho' ar Mungú 2004

²¹ «A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Ya/abtór hho' 1977

²¹ “Kiíng gixsár Korasini, nee kiíng gixsár Betsaida, a tsaxwa sakwasleemarhúng kawa wa /akuta'. Asma muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, geera taa qaroó hhu'u'ún, nee gunyadu kay tsiit tay iwiit gawaá da/ara as hhu'u'ungw'ín kuwa laqan.

Matayo 11:21 Iomraidhean Croise

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

Matayo 11:22

Ala aníng kuungá' nun baw, bál deelór sakwasleemaro Tiro nee Sidoni a tsiní sakwasleemar'ín kawa ilí oohi, ta kuungane.

Matayo 15:21

Yesu iri tláy didae ay amór yaamaá Tiro nee Sidoni.

Matayo 18:7

Múk baraaká' yaamu, a tsaxwaaín, asma muruú yaariír i deer oo múk gee/asliím baraá tlakweema. Muruuwí inqo tawó deer, ala heedaádá' ngu huwaahuúw, a tsaxwaawós.

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Marko 3:8

nee gixsár Yerusalemu nee yaamaá Idumea nee gayuú Yordani nee bihhér Tiro nee Sidoni. Mukwí Yesu guri i daqáy asma kángw muruudá' sleémeero aa tlehhiít, kwaa axaás.

Marko 6:45

Eeharuuseerós gari báy, «Tsa/amé' gawaá miringamo, geerií hi'iité' ay gayuú Bet-saida.» Qoomaadae inós i deelór kah dír boo/ayduú muu.

Marko 7:24

Yesu iri tláy didae ay amór yaamaá inslaawoó gixsár Tiro nee Sidoni. Iri dáh baraá do', asma dír i dirii'i muu mingiwa tsaáhh, ala lu/uto taa aslayká.

Marko 7:31

Yesu iri malé tláy baraá yaamaá inslaawoó Tiro, iri waaraáhh ar Sidoni ay tlawtá Galilaya, tla/ángw yaamaá Gixsadaá Mibaangw gunara óh.

Marko 8:22

Tawa hardáh gixsár Bet-saidaro, heé taampa kuna amór Yesu i huúw. Yesu kuri harhheehhe'eés nguwa kwatiiti.

Luka 4:26

Ala Eliya kwa ya/aawiiká amór heé hatlae, aqo har dír kwaalo'oodár Sarefati ar baraá yaamaá Sidoni.

Luka 6:17

Yesu nee inooín tindiri gawaá tloomár wa aweér, iri sihhiít baraá xatsa. Eeharuuseerós ar yaariir i didá', nee boo/oó úr oo muu oo yaamaá Yudea sleémeero ngi daáhh, nee Yerusalemuro nee yaamaá afaá tlawi awa Tiro nee Sidoni.

Luka 9:10

Ya/abuuseedá' niwa kí/, muruudá' taa tleéhh sleémeero kuri dír Yesú ii alki/iít. Girira tláy ar sufa ay baraá gixsár ta bay Bet-saida.

Yohana 1:44

Filipo a heé Bet-saida, gixsár Andrea nee Petro.

Yohana 12:21

Mukwí ina hardáh dír Filipo, heé gixsár Bet-saida ar yaamaá Galilaya, kuri báy, «Aáko, atén Yesu u artá wa sla'aán.»

Tlehhema'aá ya/Abuuse 12:20

Herode iri ló' wa buúhh dír múk Tiro nee Sidoni. Inooín kuri hara daqáy ar muunuú wakleeli'iima. Blasto kuna mulqi'iimár i tleéhh, asma Blasto an heé doó gu'utér waawutmo gu amohhe'eemiís. Tari wayduú áy amór Herode, asma múk yaamuuín muruú /ayma dír nguwa slaslay a dír yaamaá waawutmo.

Tlehhema'aá ya/Abuuse 27:3

Looaytleérós ana hardahaán Sidoni. Yulio Paulo guri hhooeemaá i tleéhh, iri ya/án iwa mulqeerós artá ay, as inooín kuwa alee/iisi.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

Geehhoeemaá 6:12

Nee Deelmoó bee/i dugnooduú lahhoó' nguwa gweér, kunseelír ur niri hardát, looa iri boo/eér adór guniár taa tleéhh ar se'eengw, slahhaangw sleémeero iri tseere tleehhiít.