Matayo 10:7 - Biblía Axweesantá Hhohho' ar Mungú 2004

⁷ Baraá aaiihunge dahaareemisé', tawa kata', ‹Waawuti'iimár doori naa naká/.›

Ya/abtór hho' 1977

⁷ Baraá aaiihunge alki/iité', tawa kata', ‘Waawuti'iimár doori naa naká/.’

Matayo 10:7 Iomraidhean Croise

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

Matayo 10:8

Tiqtuuse hungu/uumisaak, nee múk aa qaatl waasle/atimisaak, nee múk tiqtír tsatimit hhoohhooeemisaak. Neetlaame duxumaak. Aga tawó sleeré', tawo hanmiisaak.

Matayo 11:1

Yesu eeharuuseerós tidá' mibaá nee tsár hara'ayaaro ngiwa hhe'eés, iri tláy didae, iri intsaahhatimisuú áy, Ya/abtór hho' gari alki/iít baraá gixsaduuín wa ale.

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Marko 6:12

Gawaá adoorihe Ya/abtór hho' kari alki/iít, as muu sleémeero iwa hhu'u'un.

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Luka 9:6

Tari tláy tari hi'iimiít baraá ayko, Ya/abtór hho' kari alki/iít, nee muu kuri hungu/uumiís umuúqo diiro.

Luka 9:60

Yesu guri báy, «Maweegáy múk adór tu'u tuaá muk'ín ngi foliitiye'. Kuúng tláw, waawuti'iimár Mungú alki/iituú aweek.»

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Tlehhema'aá ya/Abuuse 10:25

Petro iwa dáh, Kornelio nina al'awín iri tumbarara'aát dír geeraawós i alé.

Tlehhema'aá ya/Abuuse 28:31

Kángw waawuti'iimár Mungú guri alki/iít, nee kángw Aako Yesu Kristo guri intsaahhatimís ar pihh'uuma, nee heé inós gwa ilaa/ i kaahh.

Tlehhema'aá ya/Abuuse 4:2

Tari ló'wa buúhh, asma muu kuwa intsaahhatimís nee kángw waasle/uú Yesu kuwa alki/iít.