Matayo 10:5 - Biblía Axweesantá Hhohho' ar Mungú 2004

⁵ Eeharuuseerí mibaá nee tsár Yesu gari ya/aáw, gari hara'ayár i haniís, giri báy, «Yaamaá xoordaá hatlá' mi kawaara', tam ma dahaara' baraá gixsadaá múk Samariawo.

Ya/abtór hho' 1977

⁵ Eeharuuseerí mibá nee tsár Yesu gari ya/aáw, gari hara'ayár i haniís, iri oó', “Yaamaá múk xoordaá hatlá' mi i daqawara', tam ma dahaara' baraá umuúqo gixsár múk Samariawo.

Matayo 10:5 Iomraidhean Croise

Matayo 22:3

Lawaaleerós gana ya/aáw mukdá' taa doó duuxoórí dahi'ís, nguwa ateetiya'. Ala mukdá' iri sií' daqeemuuwo.

Matayo 4:15

«Yaamaá Sebuluni nee yaamaá Naftali, yaamaá bihhaá tlawtí tseew, gayuú Yordani, Galilayár bartá xoordaá hatlá',

Marko 6:7

Eeharuuse mibaá nee tsár gari ateét gari iimu/ún ya/abtooro tiwa tsár wa koomakona', gari /uuruú i haniís oo neetlaame kar duxun.

Luka 10:1

Aluuwo Aako eeharuusér hatlá' mibeeri faanqw nee tsár gana tsawaár. Giri ya/aáw tiwa tsádér wa koomakona', tawa girin dirose, umuúqo didá' inós i keemuú wa slai, baraá gixsadu nee amór hatlae.

Luka 10:33

Ala heeko Samaria oo aausmo, didaádá' heedaádií dirii'i ngiwa áy, nguwa ár, guruuwós iri tláy.

Luka 17:16

Iri tumbarara'aát dír geeraá Yesu, guri sluufiís. Nee heedaádá' a heé tlahhoó múk Samaria.

Luka 9:1

Eeharuuseedá' mibaá nee tsár gari ateét, gari aleesleemuú i haniís nee /uuru, oo neetlaame sleémeero kawa duxun nee tiqtuuse kawa hungu/uumisi.

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Yohana 17:18

Adoodá' án kuúng ira ya/áp baraakaáká' yaamu, án sleeme inooín ina ya/aáw baraakaá yaamu.

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 4:20

Baabi'iirén Mungú nguna sluufmiisiyé' gawaá tloomarí wa ale, ala kuungá' a kata' Yerusalemu an dír Mungú iwa harin sluufmisuuwo.»

Yohana 4:5

Iri hardáh dír gixsár Samaria ar ta bay Sikari, bihhaá qaymoodá' Yakobo aa garmaawós Yosefú i haniís.

Yohana 4:9

/Ameenidár Samaria guri beér, «Adór kuúng heé Yahudi ma'aay ngir aní firiin, aníng bar /ameenír Samaria?» (Asma múk Yahudi nee oo Samaria ti haradaafiaaká).

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 10:45

Ala múk Yahudi kudá' aa haratlintii', kudá' nee Petro naa al daqaye', tari waa/oó/, asma Mungú múk xoordaá hatlá' sleeme gwa tawó qáy Qeeruú hhoohhoó' oo Munguhe.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.