Matayo 10:35 - Biblía Axweesantá Hhohho' ar Mungú 2004

³⁵ Asma án nina hardáh as tlaahhi ngiwa qaas dír hee nee baabuúwós, nee dír dasi nee aayoorós, nee dír aayo nee harér garmaawós.

Ya/abtór hho' 1977

³⁵ Asma án nina hardáh as tlaahhi ngiwa qaas dír hee nee baabuúwós, nee dasi nee aayoorós, nee aayo nee harér garmaawós.

Matayo 10:35 Iomraidhean Croise

Matayo 10:21

«Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.

Marko 13:12

Hhiya' hhiyaawós gu sakii/ kuwa gaasi, nee baabá na/aywós gu sakii/, na/ii nee xwaylitér'ín ti dakuusiyá' sleeme, xwaylité kay tsuu/.

Luka 12:53

Baabá garmaawós gu sii', nee garma baabuúwós gu sii'. Slám aayo dasiirós ga sí', nee dasi aayoorós ga sí'. Aayo harér garmaawós ga sí', nee harér garma aayór hhawaatuuwós ga sí'.»

Luka 21:16

Kuungá' tundu sakii/ nee xwaylitérhúng nee hhaeehúng, nee mar'eefoohúng, nee mulqerhúng. Kuungá' bahh'alé tundu tsuu/ nee inooín.