Matayo 10:27 - Biblía Axweesantá Hhohho' ar Mungú 2004

²⁷ Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

Ya/abtór hho' 1977

²⁷ Tidá' án naa dirhúng i axweés baraá giwtír wa ale, kuungá' na ooaak dír gwa/aát wa aleeró. Nee tidá' taa axamisa' ar saasahhaangw, kuungá' alki/itaak gawaá daanduú maráy wa ale.

Matayo 10:27 Iomraidhean Croise

ISAYA 22:1

Iigu'utuú Mungú aa laqán daanduú xatstá iigu'utuú. Aá Yerusalemu, gár naa xeer a milá? Baré kuungá' sleémeero aga tsa/aandé' gawaá daandemaá maraay.

Matayo 24:17

Nee heé gawaá daanduú dó' i dirií' miwa aweér as muruú baraá do' nguwa leehhi.

Luka 12:3

Asma tidá' taa katé' baraá giwtír wa ale, ka axaas dír gwa/aát wa aleeró, slám tidá' taa saasahhaandé' baraá qul/áy wa ale, ka tsee' gawaá daandeemaá maráy wa ale.»

Luka 8:10

Giri báy, «Kuungá' xu'uti aga sleeré' daanduú naaqór baraá waawuti'iimár Munguhe. Ala múk hatlae an slaqsi'ír kaahaán, as kahhó' ta qaytsiiti makawa ár, nee ta axaasi ala makawa tsaáhh.»

Yohana 16:1

«/Aymi'iiká' ngina dirhúng i oó' as kuungá' mutunduwa gee/aásl tari alií ki/á'.

Yohana 16:13

Ala Qeeruuduú looeema bar inós naa hardáh, kuungá' nu gan'aas baraá looeema sleémeero, asma ar i axweesi a toseeká, ala sleémeero tidá' i axaasi gan oo', nee muruudá' aluúwaá hardaha nu xu'utis.

Yohana 16:25

«Muruuwí nguna dirhúngí oó' ar slaqsi'i. Ala qooma i hardát ar aníng niwa baloó dirhúngí ilawatsaaká ar slaqsi'i. Ala kángw Baabá ngun dirhúng i alki/iít ar geehhoeema.

Yohana 16:29

Eeharuuseerós guri beér, «Ga/aaweegáy, daxta a axwés ar adór geehhoo', slám a axweská ar slaqsi'i.

Tlehhema'aá ya/Abuuse 17:17

Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

2 korinto 3:12

Atén haraxu'utír adoorí kawa qo koomana, pihh'uuma a koomaán.