Matayo 10:26 - Biblía Axweesantá Hhohho' ar Mungú 2004

²⁶ «Kuungá' mukwí mu da'ayumitaara'. Asma umuúqo gaaro ar taa tuuntuúk, ka waatlees, nee umuúqo gaaro ar taa luú/, ka geehhooees.

Ya/abtór hho' 1977

²⁶ “Inooín mi da'ayumitaara'. Asma umuúqo gaaro ar taa tuntuúk, ka waatlees, nee umuúqo gaaro ar taa luú/, ka geehhooees.

Matayo 10:26 Iomraidhean Croise

AXWEESANOÓ SAGALOOA 10:9

Heé tsaamúr hoót ku saxamaár, ala heé tatamba tlákw ku geehhoó'.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

ESEKIELI 2:6

«Ala kuúng, heé, inooín mi da'ayumitaar, laqaá axweesanti'ín. Tam fuquráy nee laqayá' ugwa harweeri'i, laqaá tam xiiraawe ugwa harweeri'i, axweesanti'ín ma da'ayutaar nee mutuwa naáxw nee gitsee/er'ín, asma inooín an múk aa dee/anuut.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Marko 4:22

Umuúqo gaaro ar geehhooeeká iri geehhoouúr, nee umuúqo gaaro ar taa luú/, ka geehhooees.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 8:17

«Umuúqo gaaro ar geehhooeeká i geehhoouúr, nee umuúqo gaaro ar taa luú/ ka xu'utis iri geehhoouúr.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.