Matayo 10:25 - Biblía Axweesantá Hhohho' ar Mungú 2004

²⁵ Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Ya/abtór hho' 1977

²⁵ Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Beelsebuli, xáy tí a ak ba/átoóke dír kudaádá' awa dír do'ós i diriia'a.”

Matayo 10:25 Iomraidhean Croise

2 WAAWITÁ 1:2

Ahasia iwa Samariár i dirii'i ina /eét gawaá daárír do'ós wa alé, tiri ló'wa hariiáy. Inós muu guri ya/aáw, guri báy, «Tlawsé' Ba'alsebubu yaahasare', munguú gixsár Ekroni, axáy a hunguú/a tiqtirihe.»

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 12:27

Nee aníng barnaxes a neetlaamér duxuúm ar /uuruú Be'elsebuli, xáy, mukhúng /uuruú ngir duxun oo heemá? Gawaá adoorihe mukhúnguú kilá' kuungá' nun sakwasleemuut.

Matayo 9:34

Ala múk Farisayo tana oó', «I neetlaamér gusiisín ar /uuruú neetlángw úr.»

Marko 10:39

Kuri báy, «Adoosíng a aleeslawaán.» Yesu giri báy, «Xooslmoodá' aníng ni wah, kuungá' u watá', nee baatísmoodá' aníng tir baatisi, kuungá' u qitlá'.

Marko 3:22

Slám intsaahhatuusér hara'ayár Mose, tidá' amór Yerusalemúr daahh ina kát, «Yesu kwaa i dáh nee neetlangwdá' úr ta bay Be'elsebuli, nee i neetlaamér duxún ar /uuruú neetlangwdá'.»

Luka 11:15

Ala múk hatlá' iri oó', «I neetlaamér gusiisín ar /uuruú Neetlángw úr kudá' ta bay Be'elsebuli.»

Luka 11:18

Tam Neetlaangw sleeme barnaxes ti kilós i slaaqw, waawuti'iimarós adór ir sihhit a adoomá? Asma kuungá' a kata' aníng a neetlaamér duxuúm ar /uuruú Be'elsebuli.

Luka 11:19

Ala barnaxes aníng neetlaame a duxuúm ar /uuruú Be'elsebuli, mukhúng gár ngir duxun a milá? Ala gawaá adoorihe mukhúnguú kilá' kuungá' nu sakwasleemuut.

Yohana 10:20

Awa yaariir bahh'alé tari oín, «Heewí i neetlaamér kón, slám a slarhhamá. Ahaá, mus iiárií qamiindá'?»

Yohana 7:20

Boo/aydá' iri oó', «Ahaá, kuúng a neetlaamér koónda? Ahaá, heé kuúng u gaasár wa slaá' a heemá?»

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›