Matayo 10:21 - Biblía Axweesantá Hhohho' ar Mungú 2004

²¹ «Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Ya/abtór hho' 1977

²¹ “Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/'ii xwaylitér'ín ngi i tlayá', ngay tsu/iyá'.

Matayo 10:21 Iomraidhean Croise

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

YOBU 19:19

Mulqer'eé' ar slahhaa' iga sí', kudá' geeraawo naa slaá' iga baseehuwiyé'.

WARA'AMI 50:20

Aga iwít hhiyaawók kuwa kaantiin, garmoó aayoorók ugwa /aysántí tsát.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

SEKARIA 13:3

Barnaxes heé wák ti adór aarusmo tlehhiit, baabuúwós nee aayoorós burngwa ariyé' ngun baya', ‹Kuúng a gaasa, asma lama ana axwés ar umuú AAKOÓ MUNGÚ.› Nee hamtidár kilá' iwa aaririn xwayliiteérós gun mút ar tsataay iri gwaa'.

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.