Matayo 10:2 - Biblía Axweesantá Hhohho' ar Mungú 2004

² Umér ya/abuuseerí mibaá nee tsár a tí: Oo geera a Simon, kudá' ta babay Petro, nee hhiyaawós Andrea, nee Yakobó Sebedayo nee hhiyaawós Yohane,

Ya/abtór hho' 1977

² Nee umér ya/abuuseedár mibá nee tsár a tí. Oo geera a Simoni, kudá' ta babay Petro, nee Andrea hhiyaawós; Yakobó Sebedayo nee Yohana hhiyaawós;

Matayo 10:2 Iomraidhean Croise

Matayo 17:1

Alaá deelo lahhoó' iwa waaráhh, Yesu Petro nee Yakobo nee hhiyaawós Yohane giri ar tláy ay gawaá tloomár tleer kilooín ale.

Matayo 20:20

Aamaá Sebedayo nee daaqaywós Yesu kuri i daqáy, guri i tumbarara'át, guri firiín gaaro.

Matayo 26:37

Petro gurir tláy dinkwa nee daaqaydá' tsár oo Sebedayo. Gurhaamír ur guri iimu/uún, nee iri amoqwaqwadín.

Matayo 4:18

Qoomár Yesu iwa afaá tlawtá Galilayár wa hi'iimiti, hha'aá tsár gina ár. Kooko a Simon, kudá' ta babay Petro, nee hhiyaawós Andrea, ta baratsufoó kwakwaahh baraá tlawi, asma tawa inooín a múk siyoó ohahiím.

Matayo 4:21

Yesu iwa geerií kumiít hha'aá tsár awa hatlá' giri ár. Inooín a Yakobo nee Yohane, daaqoó Sebedayo. Inooín ta baraá miringamooín i dirii' dinkwa nee baabuúín Sebedayo, ta baratsufay'ín amohhe'eemiis. Giri ateét.

Marko 1:29

Tindiwa baraá doó saalíngw wa ti'iít, tari hardáh dír doó Simon nee Andrea, dinkwa nee Yakobo nee Yohane.

Marko 13:3

Tam qoomár Yesu iwa iwiít gawaá tloomár xaaikaari ta babay seituúni, iwa amór Doó Mungú i xumiisi, Petro nee Yakobo nee Yohane nee Andrea tawa kilooín, kuri yaahaás kuri báy,

Marko 6:30

Yesu ya/abuuseerós guri i burumburít, tidá' sleémeero ar naa tleehhiyé', nee tidá' taa intsaahhatimís kari dirós i alki/iít.

Luka 11:49

Gawaá adoorihe gaarí an gár sagalooár Mungú isa ó', ‹Ga/aawaak, aníng aaruuse nee ya/abuuse an amor'íní ya/aáw, nee bahh'alé kin tsuu/, nee bahh'alé kin gusiisín,›

Luka 22:14

Tam siiwadár muruú /ayma iwa xeér, Yesu iri iwiít dír muruú /ayma dinkwa nee ya/abuuseerós.

Luka 22:8

Yesu Petro nee Yohane giri ya/aáw giri báy, «Tlawsé', muruú /aymár Pasaáka amohhe'eesaak as kuwa /ayaan.»

Luka 5:10

Yakobo nee Yohane sleeme, daaqoó Sebedayo, kudá' nee Simon algadiyuusá', adoodá' kari waa/oó/. Yesu Simon guri báy, «Ma da'ayumitaar, iimír hamí kuúng daxta a heé múk huuwahuúw amor'eé' alé.»

Luka 9:10

Ya/abuuseedá' niwa kí/, muruudá' taa tleéhh sleémeero kuri dír Yesú ii alki/iít. Girira tláy ar sufa ay baraá gixsár ta bay Bet-saida.

Yohana 12:22

Filipo iri hardáh dír Andrea, kaangwí guri oó'. Andrea nee Filipo Yesu kuri ádbáy.

Yohana 13:23

Eeharusmooko wák i deer, oo aa tlintii' gawaá da/eewaá Yesu. Inós an kudá' Yesu aa slaá'.

Yohana 20:2

Iri ta'aaiín, iri hardát dír Simon Petro nee ay dír eeharusmooduú hatlá' Yesu aa slaá', giri beér, «Aako kwaa hingeés baraá /aantaro, ala atén amór kway qaás a xuaanaaká.»

Yohana 21:2

Simon Petro nee Tomas, kudá' ta bay Daangamo, nee Natanaeli oo Kanár Galilaya, nee daaqoó Sebedayo, nee múk tsár oo hatlá' baraá eeharuuseerose ta dinkwárí dirii'.

Yohana 21:20

Petro iri alií warqáy, eeharusmoodá' Yesu aa slaá' guri ár, naxés aa eeharín. (Inós an kudá' aa tlintii' gawaá da/eewaá Yesu qoomár muruú /aymár tsiindoowo. An kudá' aa oo', «Aáko, a heemá heedaádá' kuúng u sakií/?»)

Yohana 21:24

Eeharusmoodá' an kwí tí gaa lamabu'un, nee an kwí tí gaa gooin. Nee atén a xuaán adór lamabu'uungós tar oo ló'.

Yohana 6:67

Gawaá adoorihe Yesu eeharuuseerós tidá' mibaá nee tsár gari báy, «Xáy, kuungá' sleeme aníng i geexeemuú wa sla'á'a?»

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Yohana 6:71

Gawaá axweesantihe daanduú Yuda guna axweés, garmoó Simon Iskarioti, asma inós an kudá' gu sakií/, nee inós an heé wák baraá eeharuuseedá' mibaá nee tsare.

Yohana 6:8

Eeharusmoowós oo hatlá' oo ta bay, Andrea, hhiyoó Simon Petro, iri oó',

Tlehhema'aá ya/Abuuse 1:13

Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Tlehhema'aá ya/Abuuse 1:26

Tsawdo kari tleéhh. Matiya kuri tsawaár, nee kuri harafaár tawa heé wák dír ya/abuuseedá' mibaá nee tsare.

Tlehhema'aá ya/Abuuse 12:2

Yakobo hhiyoó Yohane guri gaás ar paánga.

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

1 Korinto 15:7

Aluuwo Yakobo guri harati'iít, nee aluudae tay ya/abuuse sleémeero.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

2 Yohana 1:1

Anínguú aako barwaárí ngina amoorók i gooiím, kiíng, aáyo, kiídá' taa tsawaár, nee amór na/iiwók, kudá' naa slaá' ar baraá looeema. Heé nu slaá' a aníng kilooeeneeká, tam awa hatlá' sleémeero kudá' looeema ngi xuá' sleeme nu slaiyá'.

3 Yohana 1:1

Anínguú aako, barwaárí ngina amoorók i gooiím, sla'aarusmooeé' Gáyo. Aníng kuúng un slaá' ar baraá looeema.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 22:8

Anuú Yohane muruuwí una axaás nee nguri ár. Nee muruuwí nguwa hhe'eés axaasaro nee arto, aníng niri tumbarara'aát dír ya'aá malaykamoodá' muruuwí ngwa laqan, as inós nguwa sluufmiis.