Matayo 10:16 - Biblía Axweesantá Hhohho' ar Mungú 2004

¹⁶ «Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Ya/abtór hho' 1977

¹⁶ “Qaytsité', án kuungá' nu ya/aáw adór bee/aangw baraá tla/ángw tawer, ala sagalooa koomaak adór dayshe, slám kuungá' masók a múk tsatsaa'arén adór hhooka.

Matayo 10:16 Iomraidhean Croise

IIMU/UUNGW 3:1

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

IIMU/UUNGW 3:13

AAKOÓ Mungú /ameenidá' gari báy, «Gaarí a milá kiíng taa tléhh?» /Ameenidá' iri ó', «Dayshamo aníng ina al/aáy, ngiri /aáy.»

NEHEMIA 4:13

Naagáy, muu ngway qaás dír baraay didá' pa/ángw koom alaá koo/i. Muu una qoomeemeés ar gur'ér maray'ín ta paangadaá kón nee lawluwo nee ga/alduuwo.

YEREMIA 40:16

Ala Gedalia garmoó Ahikamu Yohanani garmoó Karea guri báy, «Gám adoosíng ma tleehhaar kuúng Ishmaeli un lámtí tláq.»

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

Matayo 24:25

Ala ga/aawaagáy, aníng kuungá' naa geerií gurbuú'.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 25:2

Baraá tla/angw'ine dasuú kooán a daktana, nee oo kooán a fuquruuse.

Matayo 25:4

Ala kudaá fuquruuse di/i ngi koná' baraá xooslar'ine dinkwa nee taa'aduuín.

Matayo 25:9

Ala kudaá fuquruuse tari oó', ‹Aasla'áy, di/tí atén nee kuungane ti bu'uká. A tsiní bara tlaxwtá eeré' dír mukdá' di/tá weerimiís.›

Luka 10:3

Tlawsé', án kuungá' nun adór deeloó bee/ángw wa ya/aáw, baraá tla/ángw tawer.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 20:29

Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:14

Ala a gár waa/oo/amoorooká. Asma tam Neetlaangw inósuú kilá' tin warqeemiis tawa slaqsoó malaykamoó gwa/aateema.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 8:20

Adoorí atén gár kasa tleehhaán a axweesanoó muu un baqamiimaán as kahhó' matawa oó', alee/isaywí úr ku amohhe'eemisiiká ar loohír hariím.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

1 Tesalonike 5:22

Ti paratle' dír umuúqo gár tlaakwe.