Matayo 1:6 - Biblía Axweesantá Hhohho' ar Mungú 2004

⁶ Yese ina laqwaál waawutmo Daudi. Daudi ina laqwaál Solomon, nee aayírós a harér Uria.

Ya/abtór hho' 1977

⁶ Yese waawutmo Daudi guri laqwaál. Daudi Sulemani guri laqwaál, nee aayírós a harér Uria.

Matayo 1:6 Iomraidhean Croise

2 SAMUELI 11:3

Daudi hee guri ya/aáw, /ameenidá' ngiwa yaahasi, axáy a harér heemá? Heedaádá' Daudi guri báy, «/Ameenirí a Bat-sheba, dasír Eliabu, nee a harér Uria heé xoorór Hiti.»

2 SAMUELI 23:1

Gaarí an axweesantá Daudi ar alhhe'eesaay. A ya/abtór Daudi, garmoó Yese, ya/abtór heé taa uráy wa qaás nee Mungú. Munguú Yakobo, Daudi guna tsawaár guri waawutmoó wa qaás. Nee inós a daausmoó wara'amtá tsuu' baraá Israeliro.

2 SAMUELI 23:39

nee Uria, heé xoorór Hiti. Sleémeero dinkwaaro a miguuse mibeeri tám nee faanqw.

1 WAAWITÁ 15:5

AAKOÓ MUNGÚ adoorí gana tleéhh asma Daudi gan'amu guna tleéhh, nee hara'ayár Mungú gaa baloó iiawaslesiiká baraá hotaangós sleémeerowo, aqo har dakuúsadá' aa tleéhh ar Uria heé Hiti.

1 QOM'I 11:41

nee Uria kuduú Hiti, Sabadi garmoó Alai,

1 QOM'I 14:4

Na/iiwós awa Yerusalemúr wa laqwaál a kuká': Shamua, nee Shobabu, nee Natani, nee Solomon,

1 QOM'I 2:15

Oo lahhoó' a Osemu, nee oo faanqw a Daudi.

1 QOM'I 28:5

Slamí aníng AAKOÓ MUNGÚ ina daaqoó yaariír i haniís, ala baraá daaqay'eene, garmaaeé' Solomon guri tsawaár as iwa iwiiti gawaá kitangwduú waawuti'iima oo AAKOÓ MUNGÚ, múk Israeli nguwa sawaawuti'in.

1 QOM'I 3:5

Daaqoó tsiyáhh oo Bat-shua dasír Amieli aa laqwál baraá yaamaá Yerusalemú wa alé a kwí: shimea nee Shobabu, nee Natani, nee Solomon.

WARA'AMI 72:20

Ay diirí an alhhe'eesoó firór Daudi, garmoó Yese.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

Matayo 1:5

Salmon ina laqwál Boasi, nee aayírós a Rahabu. Boasi ina laqwaál Obedi, nee aayírós a Ruti. Obedi ina laqwaál Yese.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

RUTI 4:22

Obedi Yese guri laqwaál, Yese Daudi guri laqwaál.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 17:12

Daudi a garmoó Yese, oo hhay Efrati oo baraá Betilehemúr Yuda. Yese daaqaywós a dakaát. Qoomár Saulo tawa waawutmo, Yese a heé aa din, kureeriiwo bariisér ayaawós ga baa/.

1 SAMUELI 17:58

Saulo Daudi guri yaahaás, «Gárma, kuúng a garmoó heemá?» Daudi iri oó', «Aníng a garmoó sagadiyusmoowók Yese, kuduú baraá gixsár Betilehemu.»

1 SAMUELI 22:8

Asma milá kuungá' sleémeero aníng misa geewaaqaté', tam heé wák oo ngi oó' mis kaahh adór garmaaeé' nee garmoó Yese tara al'axweés. Ahaá heé aníng wá gurhamuút mis kaahh, adór garmaaeé' aníng ira safoól dír sagadiyusmooeé' iwa giiri laarí?»