Matayo 1:20 - Biblía Axweesantá Hhohho' ar Mungú 2004

²⁰ Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Ya/abtór hho' 1977

²⁰ Ala iwa kaangwí axweesi malaykamoó Aako guna i daqáy ar baraá tlata, guri báy, “Yoséfu oo tlahhoó Daudi, ma da'ayuutaar Mariamu kawa dux, tawa hareerók, asma tsiihaywós oo Qeeruú hhoohhoó'.

Matayo 1:20 Iomraidhean Croise

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

1 WAAWITÁ 17:13

Eliya gari báy, «Ma da'ayumiitaar. Tláw adoodá' kara ó' tir tlehh. Ala parhhamtá niina ar mukaatmo geerií tleehhang ngi húp, daqaní kiíng nee garmaawók muruú /aymarhúng ku qasá'.

1 WAAWITÁ 3:5

Nee amoodár Gibeoniro AAKOÓ MUNGÚ iri hardáh dír Solomon ar baraá tlata xweeraawo. Mungú guri báy, «Solomon gár ta sla' firiimang án ngi haniís.»

WARA'AMI 119:125

Aníng a sagadiyusmoowók, tsaahhár i haniisáng, daqaní tidá' kuúng ta kat a xuú'.

WARA'AMI 143:8

Umuú matlaatleero gurhhooarók ngi ár, asma harahhifor'eé' aga gawaawók i qaás. Axáy loohír nir oh laqaamang, asma aníng muunaáeé' ngwa amoorók xu'ús uwa fiririim.

WARA'AMI 94:19

Muunaáeé' amoqwaqwadiingo bira buúhh, aníng kuúng i gurkwa/ás nee in qwal/amís.

AXWEESANOÓ SAGALOOA 12:5

Inslawoó heé hota ganaá' i ganaa', Ala gurbu'úngw heé tlaákw a al/ayma.

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

ISAYA 7:13

Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

YEREMIA 40:9

Gedalia garmoó Ahikamu, garmoó Shafani lo'o gari /aáy dír geeraaín nee dír geeraá muu, iwa kaahi, «Múk Kaldayo kuwa sagadiyuusa' ma da'ayumitaara'. Baraá yaamuuká' wa hooté' nee waawutmoó Babuloni kuwa sagadiyuusa', daqaní umuú gaaro dirhunge i qoón.

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

Matayo 1:18

Xwaylár Yesu Kristo a adoorí: Maria aayór Yesu, Yosefu gana sa'axweés. Nee dír inooín tira duxuuti'iiká, naxés Maria kari tsaáhh tawa tsiiháy ar /uuruú Qeeruú hhoohhoó' oo Mungú.

Matayo 2:12

Inooín Mungú giri gurbuú' ar baraá tlata as mindiwa dír Herodér ki/iyé'. Inooín tari waátl ar loohír hatlá'.

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Matayo 2:19

Herode iwa gwaá', malaykamoó Aako iri hardáh baraá Misri dír Yosefu ar baraá tlata, iri oó',

Matayo 2:22

Ala Yosefu ngiwa axaás adór Arkelao tar waawutmoó yaamaá Yudea, kitángw baabuúwós Herode, iri da'ayuút amoodá' keemuuwo. Alaá inós gurbu'utá baraá tlataawo kuwa hhe'eés, iri tláy ay yaamaá Galilaya.

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

Matayo 28:5

Malaykamo /ameenadá' gari báy, «Kuungá' ma da'ayumitaara'. Aníng a xuú' heé kuungá' ta leelehhita' a Yesu, kudá' taa kikií' gawaá msalaába.

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 2:4

Yosefu sleeme iri Galilayár wa tláy, baraá gixsár Nasareti, iri tsa/án yaamaá Yudea, ay dír gixsár Daudi, ar ta bay Betilehemu, asma inós oo guruú doó Daudi.

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Geehhoeemaá 19:7

Gimsé', qwalaa/aré', baraa/aré', Mungú u xirfayeemisaán. Asma qoomár duuxór Deelmoó bee/i aa xeér, nee dasidár duuxo taa qaroó amohhe'és.

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.