Matayo 1:2 - Biblía Axweesantá Hhohho' ar Mungú 2004

² Abrahamu ina laqwaál Isaka. Isaka ina laqwaál Yakobo. Yakobo ina laqwaál Yuda, nee hhaeewós.

Ya/abtór hho' 1977

² Abrahamu Isaka guri laqwaál. Isaka Yakobo guri laqwaál. Yakobo Yuda guri laqwaál, nee hhaeewós.

Matayo 1:2 Iomraidhean Croise

IIMU/UUNGW 25:19

Kaangwí oo Isaka garmoó Abrahamu.

IIMU/UUNGW 25:26

Oo tsár kuwa laqwaál, Esau ngwa koolo óh, kway báy Yakobo. Isaka kureeriiwós a mibeeri lahhoó', qoomár Esau nee Yakobo kiwa laqwaál.

1 QOM'I 1:28

na/aá Abrahamu a Isaka nee Ishmaeli.

1 QOM'I 1:34

Abrahamu ina laqwaál Isaka, daaqoó Isaka a kwí: Esau nee Israeli.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

FAARO 1:26

Múk tlahhoó Yuda ar adór xwaylar'ine tira haraahariyé', nee adór maray'ine i dirii'iya', nee adór gur'ér maray'ín i diria, nee adór umer'ín i diria, adoodá' kira wakeetín faarooro, umuúqo hhawaatuuwo oo kureeriiwós mibeeri tsár ngaa aye' nee ngaa ba/iye', múk slaqwara eemuuwo ido,

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Matayo 1:3

Yuda Peresi nee Sera gina laqwaál, aayír'ín a Tamari. Peresi ina laqwaál Hesroni. Hesroni ina laqwaál Aramu.

Tlehhema'aá ya/Abuuse 7:8

Alqadór al/utlo gari alqadín. Abrahamu iri laqwaál Isaka, nee bál dakaát guri al/uútl. Isaka iri laqwaál Yakobo. Nee Yakobo iri laqwaál kudá' mibaá nee tsár. Inooín a bariiseerén. Nee kudá' sleémeero kiri al/utlín.

Ebrania 11:11

Tam Sara sleeme i haratlintaaór koón. Gawaá adoorihe inós /uuru guri sleér, iri tsít, inós tam aa diindi. Asma inós al'axweesantadá' Mungú aa dirósií oó' gana haratlintí', adór ngir boo/eés.

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

Geehhoeemaá 7:5

Múk tlahhoó Yuda oo taa layár i qamín a kume mibaá nee tsár. Oo tlahhoó Reubeni a kume mibaá nee tsár. Oo tlahhoó Gadi a kume mibaá nee tsár.