Marko 9:50 - Biblía Axweesantá Hhohho' ar Mungú 2004

⁵⁰ «Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

Ya/abtór hho' 1977

⁵⁰ “Diwi ka hhoo'. Ala diwi bar maamahhaywós aa faák, a sangw diwtooká. Gár ki qasa' a milá maamahhaywós iwa ki/i. “Adór diwi tleehhité' kuungá' baraá munerhunge, kuungá' kiloohúng ta waydúr hotá'.”

Marko 9:50 Iomraidhean Croise

YOBU 6:6

Ahaá gár muskuu' diwi bir káhh /ayma gaqo ya/aánda? Laqaá wa'amír qanhhi iqo nuqnúqa?

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

ESEKIELI 43:24

ngi hubá' dír geeraaeé', kaahamuusér Mungú ngi slik ar diwi nee kiwa haniisi as tawa ilahhooár da/a ar AAKOÓ MUNGÚ.

Matayo 5:13

«Kuungá' a diwtá yaamu. Ala diwi bira hhiturút, gár ki qaasi a milá as iwa malé maamahh? I sangw gaa bu'uká, aqo kan kwaahh tsee/ií alé, kari adarah nee muu.

Marko 9:34

Tari xasliít, asma tawa hi'iiti tan kaangaanuus áx, heé úr a heemá dir'ine.

Marko 9:49

«Asma umuú heewo ku hhoohhoees ar asla, ar adoodá' ilahhooár muruú ta tsu/i kar díwtár hhohhoeemaamisi.

Rumi 12:18

Kuungá' umuúqo loohír ya/aama leelehhiitaak ar tawa hota' ar wayda nee muu sleémeero, ar adoodá' kuungá' kar aleesleera'.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

1 Tesalonike 5:13

Múk adór kwí ilaiwaa/a hhe'eesaak ar sla'aari as gadiyér'ín. Kuungá' wayda ar hootaak.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Yakobo 1:20

Asma buhhtaá hee gan'amuú Mungú ngu tlehhiitiaaká.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.