Marko 9:43 - Biblía Axweesantá Hhohho' ar Mungú 2004

⁴³ Gawaá adoorihe barnaxes dakók kuúng u baraá tlakweemií gee/aslín, tsateek. A tsiní slafiingw kuwa sleer dakók tawa wak, ta tawa baraá asltá baloó gwaa'aaká keer ar dabaá tsár. [

Ya/abtór hho' 1977

⁴³ Dakók bar kuúng u paslimis baraá loohír ganaa'a, tsateek. A tsiní slafiingw kuwa sleer dakók tawa wak, ta tawa baraá asltá baloó gwaa'aaká keer ar dabaá tsár. [

Marko 9:43 Iomraidhean Croise

YOBU 20:13

Geemawto gi slaiiká, aqo gin ila/án baraá afkós,

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

Matayo 17:27

Ala atén ohomuuseerí buhhtisaro a sla'aanaaká. Gawaá adoorihe kuúng tláw, baratsufi kwahheek baraá tlawi, siyoódá' ni geerií hardáh ooheek. Nee afkós bura waatlés, shilingmo uqo aán. Daqaní ku húp, ku hanís ohmér wa ale as daanduueé' nee kók.»

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Marko 9:44

Baraadaádae naanaga i qatlká, asla sleeme i gwa'aká baloó ale.]

Luka 14:13

Ala qoomár muruú /ayma bura tléhh, narkuute na ateeteek, nee taqooraay, nee múk tiqtír sol'omit, nee taampu.

Luka 14:21

«Lawaalmoodá' iri kií/, kaangwí guri oó' dír aakoowós. Aakooduú do' loó' adoodá' ngiwa axaás, iri ló' wa buúhh, lawaalmoowós guri báy, ‹Tláw ar gaanslaay baraá luhuudaá uren awa baraá gixsa, nee baraá tsirxadaá gixsa, narkuute huwang nee taqooraay nee taampu nee múk tiqtír sol'omit.›

Luka 3:17

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuntír i qaas, ala mundáy gun daa/ ar asltá baloó gwaa'aaká.»

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

1 Korinto 9:27

Asma aníng gár ni tuu'uut a slaqwte'eé', nee slaqwte'eé' ngiri baál, as masók anuúwí Ya/abtór hhó' alki/aa/iít amór múk hatlá' i alé, aníng mitiwa sií'.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Tito 2:12

Gurtleemuuwí atén tin intsaahhatimis tlakweema kiwa siaan, nee ilatleerír tlákw adór tidár múk aa haratlintii'iiká. Nee slám atén tawa hootaan ar danqamis nee ar hotaá ganaa'á' nee ar Mungú kuwa ilaiwawa/aan hamí baraakaá yaamuwo,

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.