Marko 9:32 - Biblía Axweesantá Hhohho' ar Mungú 2004

³² Eeharuuseerós intsaahhastí gaa tsahhiká, ala kuri da'ayuút yaahasto.

Ya/abtór hho' 1977

³² Eeharuuseerós intsaahhastí gaa tsahhiká, ala kuri da'ayuút yaahasto.

Marko 9:32 Iomraidhean Croise

Marko 16:14

Alhhe'eesaywo eeharuuseedá' mibaá nee wak qoomár tawa /ayin gari harati'iít. Giri i gilín asma haratlintaaowasler'ín nee asma muner'ín kawa gawdén, asma inooín axweesantá mukdá' inós gwa ar, alaá niwa baraá /aantár wa waasleé/, kaa haratlintii'iiká.

Marko 7:18

Giri báy, «Tam kuungá' sleeme gár ta xua' i káhha? A xua'aakáhe adór gár hee aa /aáy muunaáwós ngur meetagaská,

Marko 8:33

Yesu iri amór eeharuuseerós i warqáy, Petro guri iigahhaát guri báy, «Tláw, aluueé' ki/eek, kuúng Neétlaangw, asma inslawaywók oo Munguheeká, oo múk tawo.»

Marko 9:10

Tidá' ngaa báy kari gawaá sager'ín i óh tiri kilooín yaahamisiyé', tawa kaahi, «Gídaabárós a milá tiqá' iwa kaahi, ‹Garmoó Hee ni baraá /aantár wa waaslee/?› »

Luka 18:34

Ala eeharuuseerós tam /aymuú wák gwa tsahhiká baraá axweesanaydá' aa dir'íní kaahi. Gídaabár kaangwí kaa luú/ dir'ine. Sleeme kaa tsaahhiiká tidá' aa alki/iít dir'ín i alé.

Luka 2:50

Ala adoodá' ngaa báy inooín ngaa tsaahhi'iiká.

Luka 24:45

Yesu sager'ín gari gwa/atís as Gooi kawa tsaahhi.

Luka 9:45

Ala inooín tidá' i kaahi kaa tsaahhiiká. Inooine kaa luú/ as makawa tsaáhh. Yaahasto kuri da'ayuút, gídaabár axweesantadae.

Yohana 12:16

Hargeeraawo muruuwí eeharuuseerós gwa tsahhiká. Ala Yesu kuwa xirfayeés, kari insláy adór muruuwí kura daanduuwósí gooín, nee adór ira tleehharuút.

Yohana 16:19

Yesu gari tsaáhh adór eeharuuseerós ngur yaahaasár wa slá', gari báy, «Gár tiwa yaahamisa' a tidá' nuwa báwi, ‹Alaá deelór niina bira waaráhh, án kuungá' i aanda'aaká, nee slám alaá deelór niina bira malé waaráhh, án kuungá' i malé aandá'.›

Yohana 4:27

Qoomaadár kilae eeharuuseerós niri hardát, naxés nee /ameeni tawa axweesi tari waa/oó/. Ala heé gwa yaahaas i kaahh, iwa ooi, «Ma slá'?» laqaá, «Mas axwesá' nee inós?»