Marko 9:20 - Biblía Axweesantá Hhohho' ar Mungú 2004

²⁰ Kuri dirós i huúw. Neetlaameedá' Yesu nguwa aán, garmaadá' guri /araamís, guri yaamií dáhh, iri gwangwara'amiít yaamuú wa ale, slooro gari tlaqaás.

Ya/abtór hho' 1977

²⁰ Kuri dirós i huúw. Neetlaameedá' Yesu nguwa aán, garma guri /araamís guri yaamí dáhh, iri gwangwara'amiít yaamuú wa ale, slooro i gawaá afkós wa ti'imít.

Marko 9:20 Iomraidhean Croise

Marko 1:26

Neetlaameedá' hee guri pungaahhamuúr, iri tsé' ar afór ur, guri geemeér.

Marko 9:18

Nee qoomár neetlaame burngwa eér, gun yaamúr sláhh, slooro gay tlaqaas, sihhina' giri qirirtliimiis, nee inós sleeme i kahaakah. Eeharuuseerók ana ádbáw as neetlaameedá' ngiwa dux, ala kaa aleeslayká.»

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Marko 9:21

Yesu baabuú garmaadá' guri yaahaás, «Gaarí ngwa eér a iimír xaylá?» Iri oó', «Iimír tawa na/aay.

Marko 9:26

Neetlaameedá' iri /á/, guri ak pungahhamuúr, iri qútl, inós naxés a ád heé aa gwaa' daxta. Múk yaariír tari qo oó', «Aa gwaá'.»

Luka 4:35

Yesu neetlaameedá' gari iigahhaát iri oó', «Xasliité', ti'iité'.» Neetlaameedá' heedaádá' guri baraá tla/angw'ín i dáhh, guri geemeér, gwa slahh'eesiiká.

Luka 8:29

Adoodá' gana oó', asma Yesu neetlaameedá' gaa iigahhaát iwa qutl. Asma daqtá yaariire gun aaeér, tam kun tsegaagiit ar qutúr daba' nee ya'aawo, nee kun xumxaaxún. Muruudá' kur tsegaagiti gun tlaqaqaat, neetlaame gun gusaasiín baraá darma.

Luka 9:39

Ga/aaweek, neetlaame gun aaeér. Qoomár burngwa eér in tseeamín, slám gu /aramiimís. Nee slooro gan tlaqaas. Neetlaameedá' gu slahh'eemís, slám gu gimeeraaká, aqo ar ma/iís.

Luka 9:42

Iwa amoodá' kay, na/aydá' neetlaame guri yaamií dáhh, guri pungaahhamuúr, Yesu neetlaame gari iigahhaát. Na/aay guri hungu/uús, guri dír baabuúwós i ki/ís.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.