Marko 9:18 - Biblía Axweesantá Hhohho' ar Mungú 2004

¹⁸ Nee qoomár neetlaame burngwa eér, gun yaamúr sláhh, slooro gay tlaqaas, sihhina' giri qirirtliimiis, nee inós sleeme i kahaakah. Eeharuuseerók ana ádbáw as neetlaameedá' ngiwa dux, ala kaa aleeslayká.»

Ya/abtór hho' 1977

¹⁸ Nee umuúqo neetlaame burngwa eér, gun yaamúr sláhh, slooro nay afkós wa ti'ít, nee i sihhinaá qirirtliimiis, nee inós sleeme i kaahakah. Eeharuuseerók ana ádbáw as neetlaameedá' ngiwa hinges, ala kaa aslayká.”

Marko 9:18 Iomraidhean Croise

YOBU 16:9

Mungú aníng ina karslamiís ar buhhtaawós, iri aáhh, ina sihhnií qiriritlimiís, wakusmooeé' iri ilií duxún.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 17:16

Una huúw dír eeharuuseerók, ala inooín hungu/uusaro kwa aleeslayká.»

Matayo 8:12

Ala mukduú waawuti'iimarí kun kwaahh tsee/áy alé baraá giwti, an didá' tawa /aa/amin nee sihhina' kiwa qirirtlimiisi.»

Marko 11:23

Án a kah, heé baraá muunaáwose xurumitaaká, tloomarí ga aleesláy ngiwa bay, ‹Quútl, ti kwahh baraá tlawi›. Birnga haratlintií' adór tidá' i kaahi ir tleehharút, i tsuwá tleehharút.

Marko 9:17

Heeko wák baraá boo/aydane Yesu guri báy, «Intsaahhatusámo, garmaaeé' ngwa dirók i huúw, neetlaame gwa afa qwaarés.

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Marko 9:20

Kuri dirós i huúw. Neetlaameedá' Yesu nguwa aán, garmaadá' guri /araamís, guri yaamií dáhh, iri gwangwara'amiít yaamuú wa ale, slooro gari tlaqaás.

Marko 9:26

Neetlaameedá' iri /á/, guri ak pungahhamuúr, iri qútl, inós naxés a ád heé aa gwaa' daxta. Múk yaariír tari qo oó', «Aa gwaá'.»

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.