Marko 8:6 - Biblía Axweesantá Hhohho' ar Mungú 2004

⁶ Yesu giri báy, «Boo/aay iwiitisaak.» Mikaáteedá' faanqw gari óh. Mungú guri sluufiís, mikaáte gari parhhamiís, gay eeharuuseerós i hanmiís kawa múk i qasmiisi.

Ya/abtór hho' 1977

⁶ Giri báy, “Boo/aay iwiitisaak.” Mikaáteedá' faanqw gari óh. Mungú guri sluufiís, mikaáte gari parhhamiís, gay eeharuuseerós i hanmiís kawa múk i qasmiisi.

Marko 8:6 Iomraidhean Croise

Matayo 26:26

Qoomár tawa /ayin, Yesu mukatmo guna óh, iri sluufiís, guri parhhamiís, guri eeharuuseerós i haniís, iri oó', «Oohaak, /ayaak, gaarí a slaqwte'eé'.»

Marko 8:20

«Nee mikaáteedá' faanqw naa múk kume tsiyáhh i haniís, parhheemaá naa meeti'i katatoó taa hatsisé' a magá'?» Kuri báy, «A faanqw.»

Marko 8:5

Gari yaahaás, «Mikaáte ka koonda' a magá'?» Tari oó', «A faanqw.»

Marko 8:7

Sleeme siyoó ninákw ku kón oo niiná. Iri malé sluufiís as siyó, giri báy, «Dír múk i qasmiisaak sleeme.»

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 24:30

Qoomár tawa dinkwár i iwiít dír muruú /ayma, mukatmo guri óh, iri sluufiís, guri parhhamiís, guri hanmiís dir'ín.

Yohana 2:5

Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

Yohana 6:23

Ala miringér hatlá' ar Tiberiár daahh niri hardát iisaapoó didá' mikaáte kawa /aáy qoomár Aako iwa sluufiís.

Rumi 14:6

Asma heedaádá' deelorka ga xuú' adór kar afhhamít, adoodá' gan tleehh as Aako. Nee slám heedaádá' mura' sleémeero gu /aáy, gun /aay as Aako, asma i Munguú sluufmiis. Nee kudaádá' /ayiimaaká, /ayma gaa máy as Aako, nee inós sleeme i Munguú sluufmiis.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

1 SAMUELI 9:13

Bara sadaté' baraá gixsa, aqo un adaá aandá', dír ira amoodár gáwtí tsa/anká iwa /aymár ay. Asma muu i /ayinká ay dír inós i hardihi, asma inós an heé muruudá' taa ilahhooár wa tsuú/ gu tsuúq, daqaní múk aáng taa dahi'ís iri /ayín. Gimsé', tsa/amé' hamí, asma qoomaarí an qoomár kuwa adaá aanda'.»