Marko 8:31 - Biblía Axweesantá Hhohho' ar Mungú 2004

³¹ Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Ya/abtór hho' 1977

³¹ Giri iimu/ún intsaahhatimisuuwo gídaabá, “Garmoó Hee gár kuwa hariím a slahhe'emisuú yaariír gun sláy, nee kuwa siasii'i nee bariisee nee geeraharuusér uren ar saalíngw múk Yahudi, nee intsaahhatuusér hara'ayár Musa, kuri gaas, deelór tám bira waaráhh i waaslee/.”

Marko 8:31 Iomraidhean Croise

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

HOSEA 6:2

Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

YONA 1:17

AAKOÓ MUNGÚ siyoó yangaariír guna amohhe'eés, as Yona nguwa gu/i. Yona iri baraá guruú siyoódá' wa hoót deelo tám, xweera nee tlaatla/aangw.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›

Matayo 27:63

tari oó', «Aáko, aga inslawaán adór heedaáduú al/aymusmo qoomár iwa slafi ira oó', ‹Deelo tám bira waaráhh án ni waasleé/.›

Marko 12:10

Tam gooirí aga soomusi'iiká xáy? Tí kah, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy.

Luka 17:25

Ala gár geeraawo kuwa hariím a slahh'amuú yaariír gun sláy, nee kway sii' nee qartí.

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

Yohana 2:19

Yesu iri oó', «Do'wí oo Mungú fee/aak, daqaní aníng u sihhitís har deelo tame.»

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

1 Korinto 15:4

nee kuri foól, nee bál tame iri waasleé/ ar adoodá' Gooi ngir kat,

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.