Marko 8:2 - Biblía Axweesantá Hhohho' ar Mungú 2004

² «Aga gurhaamuút asma boo/aywí, asma deeloorí tamaawo án nee inooín a dinkwárií diriaán, ala daxta muruú /ayma aa faák.

Ya/abtór hho' 1977

² “Aga gurhaamuút asma boo/aywí wa ale, asma deeloorí tamaawo án nee inooín a dinkwár i diriaán, ala daxta muruú /ayma aa faák.

Marko 8:2 Iomraidhean Croise

1 WAAWITÁ 19:6

Inós iri qaytsiít, mukaatmo guri ár i gawaá gil'o, nee dahhángw ma'aay i dír sagós i dirii'. Inós ina /ayín nee ma'aay giri wáh, iri qatií kií/.

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 145:15

Muruú slaáf sleémeero kuúng un ga/áy ar harahhifo. Nee kuúng un muruú /aymár i hanmís qoomár hariima.

WARA'AMI 145:8

AAKOÓ MUNGÚ ku gurhhoó' nee i gurtleemuú kón. Muneero ku inslahheeká, inós in haats sla'aarír warqawaakahe.

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 20:34

Yesu guruuwós iri tláy, ilaaín giri kwatiít. Siiwadár kilae ilaaín niri qaytsitiyé', Yesu kuri eehár.

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Marko 1:41

Guruuwós iri tláy, guri dakós i gan'aás, guri kwatiít, guri báy, «Án a slaá', hhoohhooúw.»

Marko 5:19

Ala Yesu gwa ya/aniká nee inós tiwa kona'. Guri báy, «Tláw amór doohúng nee amór mukók, gár afhhamít ar Aako naa kuúng i tleéhh alki/iiteek dir'ín i alé, nee adór inós ura gurtláy.»

Marko 6:32

Tari tláy gawaá miringamo inooín kilooín amoodá' muu iwa kahhi.

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Marko 8:3

Án bira geemáw tawa qwákwár watli, /ara/eeri gi loohírií eér, asma bahh'alé amór ta dahhi ka saaw.»

Marko 9:22

Nee daqtá yaariire gu dararáhh baraá asla, nee baraá ma'aay, as nguwa gaasár wa sla'. Ala bar adór ta aleesleer i deer, ti gurtleer nee ti alee/is.»

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.