Marko 8:12 - Biblía Axweesantá Hhohho' ar Mungú 2004

¹² Baraawose iri slahhaá', iri oó', «A milá mukú de'emaaká' mis layár leelehhiit? Án a kah, layár ta laqan i káhh dír mukú de'emaakae.»

Ya/abtór hho' 1977

¹² Iri /iíf gurhaamiro, iri oó', “A milá mukú de'emaaká' mis layár leelehhiit? Án a kah, layár ta laqan i káhh dír mukú de'emaakae.”

Marko 8:12 Iomraidhean Croise

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

Matayo 12:38

Aluuwo intsaahhatuusér hara'ayár Mose bahh'alé nee múk Farisayo Yesu kuri báy, «Intsaahhatusámo, atén layár kuúng ta tlehh a artá wa sla'aán.»

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Marko 6:6

Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.

Marko 7:34

Iri gawaá doorí qaytsiít, iri slahhaá' baraawose, guri báy, «Efata,» gídaabárós a «Gweeriít.»

Marko 8:13

Yesu giri geexáy iri malé tsa/án gawaá miringamo, iri gayuú hatlá' oo tláwtií waaraáhh.

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',