Marko 7:9 - Biblía Axweesantá Hhohho' ar Mungú 2004

⁹ Aluuwo inooín giri báy, «Ka hhoo'. Loohír hhoo' aga sleeré' ar hara'ayár Mungú kar siaasia', as kahhó' uunuuhúng kiwa ota'.

Ya/abtór hho' 1977

⁹ Giri báy, “Ka hhoo'. Mungú ugwa sié' asma unuuhúng kiwa ota'.

Marko 7:9 Iomraidhean Croise

WARA'AMI 119:126

AAKOÓ MUNGÚ, daxta a qoomár gaa kawa tlehh, asma muu dabeerók gaa giqaqáy.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

Marko 7:13

Axweesantá Mungú kari warqesé', as unuuhúng, kudá' taa amór múk urén wa ilaoté' kiwa intsaahhatimisa'. Muruú hatlá' oo yaariír sleeme oo adór kwí oo ta tlehhahhita' i deer.»

Marko 7:3

Asma múk Farisayo nee múk Yahudi sleémeero daba' birka hamatliiká ar adoodá' unuuín i kaahiya', ta /ayinaká, asma unuuín awa iimír múk urén.

Marko 7:5

Mukduú Farisayo nee intsaahhatuusér hara'ayár Mosewo Yesu kuri yaahaás, kuri báy, «Ahaá, eeharuuseerók uunuú múk urén misngi eeharahatká, masta /ayín ar dabaá taa hamatliiká?»

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

2 korinto 11:4

Asma kuungá' umuúqo heewo oo naa hardah amorhúng un sa qiqtliindá', kudá' kángw Yesú hatlá' gu alki/iít. Yésuudá' inooín ta alki/iiti a kudá' atén taa alki/itaniiká. Slám kuungá' qeeruú hatlá' u ya/a/aandá'. Inós a Qeeruudá' hhoohhooeeká oo kuungá' taa ilaoté'. Nee slám kuungá' Ya/abtór hho' ar hatlá' an ilaoohiindá'. Ya/abtoorí a tidá' atén naa dirhúngií alki/itaniiká.

Galatia 1:14

Aníng niri kumiít baraá diinír Yahudiro ta múk yaariír ba/a baraá qartadár tlahhay'eene. Aníng ilakaaharu una ló'wa tleéhh asma uunuudaá baabi'iirén.

Galatia 2:21

Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»