Marko 7:4 - Biblía Axweesantá Hhohho' ar Mungú 2004

⁴ Tam barta baraá boo/oó daahh, ta /ayinaká ay dír ti hamtlin. Nee muruú hatlá' sleeme oo taa dir'iní hara'ayín kun tlehhaahhiit, adór slooqi'i kiwa hamtliti, nee hutli'i, nee xooslár taa tleéhh ar muqslár sirda/aten.

Ya/abtór hho' 1977

⁴ Tam barta baraá boo/oó daahh, ta ayinaká ay dír ti hamtlin. Nee muruú hatlá' sleeme ku tlehhahhiit, oo taa hara'ayín dir'ine, adór xooslár muruú /ayma kawa hamtliti, nee dahhaaráy, nee xooslár muqsla.

Marko 7:4 Iomraidhean Croise

WARA'AMI 26:6

AAKOÓ MUNGÚ, aníng dabaaeé' in hamaátl as niwa dakuúsár koomaaká, nee dír ilahhooa kuwa hanmamisi ngiwa harweer.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

YEREMIA 35:5

Aluuwo búkloó haáts difaáiro, nee slooqi'iiwo ngiri qaás dír geeraá múk guruú doó Rekabu ngiri báw, «Difaái wahaak.»

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

Matayo 23:25

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' daanduú isaangi nee oo qwaree/amo in hamtlitá', ala baraá guruuwose gár aa hats a /ayta nee har qoomay wasle.

Matayo 23:26

Kuúng heé Farisayo oo taampa, guruú isaangi ala hamaatleek, as daanduú isaangi sleeme iwa hhoohhoouy.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Marko 7:8

«Kuungá' hara'ayár Mungú ana meeré', uunuú muu kuri eehadé'.»

Yohana 2:6

Didaádae sidaá lahhoó' awa taa tleéhh ar tlaa/e i dayá'. Sidoodá' kina didaádí qaás as tlehhemuú múk Yahudi, as hamtlo. Umuúqo sirwiro a har qoomoó deebedaá kooán ay faanqw.

Yohana 3:25

Qoomaadae eeharuusér Yohane nee heeko wák oo Yahudi tay kaanganuús daanduú kángw hhoohhooeemisuuwo.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.