Marko 7:37 - Biblía Axweesantá Hhohho' ar Mungú 2004

³⁷ Waa/oo/amooro tari harwaaraáhh, tari káh, «Mura' sleémeero tlehhemuuwo gwa qoomeés. Heé iiawasli i axamiis, nee heé afewasli axweesani gaa aleesláy.»

Ya/abtór hho' 1977

³⁷ Waa/oo/amooro tari harwaaraáhh, tari káh, “Mura' sleémeero tlehhemuuwo gwa qoomeés. Múk iia wásl axamis gwa aleesláy, nee múk afe wásl axweesani gaa aleesláy.”

Marko 7:37 Iomraidhean Croise

IIMU/UUNGW 1:31

Mungú umuúqo gaaro ar aa tleéhh, gari ár naxés ka hhoohhoo'. Tay tsiindo tay matlaatle, tari baalár lahhoó'.

WARA'AMI 139:14

Aníng kuúng u xirfayeemiís, asma iga tléhh ar adór waa/oo/amór koom nee ar dae tlaaq, tlehhmi'iiwók i waa/oo/amór koná'! Kuúng aníng i xú' ló' wa ale.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

Matayo 9:32

Qoomár mukwí iwa ti'imiiti, heé afa wásl oo neetlaame aa eér kunguri huúw dír Yesu.

Marko 1:27

Tari ló'wa waa/oó/ sleémeero, tam tiri yaahamisiyé' tari káh, «Gár adoorí a milá? A intsaahhasár /abéne? Ahaá baré ar aleesleemuwo tam neetlaame gan hara'ayiyín, inós gway ilaiwaawá/.»

Marko 2:12

Siiwadár kilae heedaádá' iri sihhiít, hhaftuuwós guri gagaár, iri ti'iít geeraá muu sleémeero, muu sleémeero iri waa/oó/, Mungú kuri xirfayeemiís, tay káh, «Kureeriiwo gár adoorí aga baloó araaniiká.»

Marko 4:41

Daér ur giri eér, tari kilooín axweés, tari oó', «Heewí a heé adoomá? Asma fur'a nee tlawi tidá' ngaa báy ngi tlehhiitiyá'.»

Marko 5:42

Dasi iri sihhít, iri hi'iimít, asma a dasír kureeraá mibaá nee tsár gaa eer. Adoodá' kari ló'wa waa/oó/.

Marko 6:51

Iri gawaá miringamooín kudií tsa/án, fur'a iri xaslít. Tari baraá muner'íní waa/oó/,

Marko 7:36

Muu guri báy, «Kangwsíng mu heéwí ooara'.» Ala tam inós nga adoodá' bayi, tana ak ilakaaharúy alki/ituuwo.

Marko 8:1

Qoomaadae boo/oó úr ina malé burumburiít. Muruú /ayma iwa faák, Yesu eeharuuseerós gari ateét gari báy,

Luka 23:41

Asma sakwasleemarí atene a hariima. Asma tí taa slawaán a tidá' atén wa hariim asma tlehhemi'iirén. Ala kwí gár tlaakw aa tleéhh i káhh.»

Tlehhema'aá ya/Abuuse 14:11

Boo/aydá' adoodá' Paulo aa tleéhh ngiwa ár, tari tseeamín ar afór ur, tari oó' ar tsifrír Likaonia, «Mungui taa hara aweeriyé' ar slaqsa'aá muu.»