Marko 7:24 - Biblía Axweesantá Hhohho' ar Mungú 2004

²⁴ Yesu iri tláy didae ay amór yaamaá inslaawoó gixsár Tiro nee Sidoni. Iri dáh baraá do', asma dír i dirii'i muu mingiwa tsaáhh, ala lu/uto taa aslayká.

Ya/abtór hho' 1977

²⁴ Yesu iri tláy didae ay amór yaamaá inslaawoó gixsár Tiro nee Sidoni. Iri dáh baraá do', asma dír i dirii'i muu mingiwa tsaáhh, ala lu/uto taa aslayká.

Marko 7:24 Iomraidhean Croise

IIMU/UUNGW 10:15

Kana'ani iri laqwaál Sidoni, garmaawós oo baris. Aluudae iri laqwaál Heti.

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

IIMU/UUNGW 49:13

«Sebuluni hotaangós a baraá afaá tlawi, yaamuuwós tari wa/amér miringér uren ki sihhtimiisi. Harki/isoó yaamuuwós tari Sidoni.»

ISAYA 23:12

I kaahi, «Aá gixsár Sidoni, tidár baramaanuso'o, kiíng qwal/uwo a ki/iká, tam bar yaamaá Kuprórí goba, amorqae amohhooa a sleeraaká sleeme.»

ISAYA 42:2

Inós i /aa/iiká laqaá i tseeiiká, laqaá afoorós ka axasiiká baraá lohduuwo.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 9:28

Yesu iwa dír dó' i hardáh, taampuudá' nguri i daqayé'. Yesu giri báy, «Kuungá' aga haratlinti'í'i adór aníng tlehhmuú adoosíng ngur aleesláw?» Tari oó', «Eeít, Aáko.»

Marko 2:1

Alaá deelór niinawe Yesu iri male dáh baraá Kapernaumu, kari axaás adór ir dóí dirií'.

Marko 7:23

Muruuwí tlákw sleémeero dír i dahhi a baraá muunuú hee, nee an muruudaádá' hee gu meetagaás.»

Marko 7:25

/Ameenirka dasiirós neetlaame aa eér, kangós nguwa axás, iri amoorósií daqeér, iri dír ya'aawósií tumbarara'át.

Marko 7:31

Yesu iri malé tláy baraá yaamaá inslaawoó Tiro, iri waaraáhh ar Sidoni ay tlawtá Galilaya, tla/ángw yaamaá Gixsadaá Mibaangw gunara óh.

1 Timoteo 5:25

Gawaá adoorihe tlehhema'aá hho' sleeme ki gehho'. Ala tam kudá' gehhoeká ki aleeslayká lu/uto.