Marko 7:21 - Biblía Axweesantá Hhohho' ar Mungú 2004

²¹ Asma inslawoó tlákw ám ni dahhi a baraá muunuú hee, kudá' hee iwa fuqtá ay, nee iwa fiisór ay, nee iwa tsu/tár ay,

Ya/abtór hho' 1977

²¹ Asma inslaslángw tlákw ám ni dahhi a baraá muunuú hee, kudá' oo hee iwa fuqtá ay, iwa fiisór ay, iwa tsu/tár ay,

Marko 7:21 Iomraidhean Croise

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 14:1

Daktana i baraá muner'ín i kat, «Mungú i kaahh.» Inooín sleémeero taa hhitiruumiít. Heé hhooeemaá tlehhiít i kaahh.

WARA'AMI 14:3

Muu sleémeero aa paásl baraá loohír Munguhe. Sleémeero naa hhitiruutiyé'. Heé hota ganaá' i kaahh tumu wák.

WARA'AMI 53:1

Daktana in baraá muner'ín i kat, «Mungú i kaahh.» Inooín sleémeero taa hhitirumiít, sleémeero a iringuuse. Heé hhoeemaá tlehhiít i kaahh.

WARA'AMI 53:3

Muu sleémeero aa qwaár, sleémeero naa hhitiruutiyé'. Heé hhooeemaá tlehhiít i kaahh, tumu wák.

AXWEESANOÓ SAGALOOA 15:25

Doó heé daara/aám ku yaamií slaax nee AAKOÓ MUNGÚ, Ala digmuú /ameenír kwaalo'o gun xún.

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

YEREMIA 16:12

Kuungá' tlakweema ina tlehhé' ta baabi'ihunge, asma ga/aawaak, umuú heewo dirhunge ku saga gawít, nee ku inslaway tlákw, tam aníng i iiárií qamiinda'aaká.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Matayo 9:4

Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Marko 7:20

Giri báy, «Tidá' baraá muunuú heé daahh an tidá' gu meetagaas.

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Tlehhema'aá ya/Abuuse 5:4

Ahaá, qoomár iwa baraá dabaawók i diri' a togekáhe? Nee qoomár weerisaro kawa hhe'és, i baraá aleesleemuuwogekáhe? Ahaá, adór /aymuuwí pa/aangw ngura sláy baraá muunaáwoge a adoomá? Heé kuúng taa al/ák a heewooká, ala a Mungú.»

Tlehhema'aá ya/Abuuse 8:22

Gawaá adoorihe tlakweemaawók kwisingá' hhu'u'umeek, Aako na firiimeek, doóqa inslawaysuú baraá muunaáwók gu gurtláy.

Rumi 7:5

Qoomár atén tawa warqawaniiká, ilatleerír tlakweema tidá' taa tleemiís nee hara'aya, ina gadiyús baraá slaqoorén wa ale, tam atén tlehhma'aá gwa'arár huwahuwá' kiri tleehhaán.

Rumi 7:8

Tlakweema hara'aya ngina ar gadiyuusiyé', ilatleerír dimbadimbé ngiri tleesiyé' baraaeé' wa ale. Asma hara'aya bir káhh, tlakweema naa gwaaiyé'.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 2:4

Xáy kuungá' adoorí bara tlehhé', barqaanti aga tlehhí'iíke baraá tla/angwhunge? Xáy, sakwasleemár ganaa'aaká kay tlehhí'iíke ar inslawayhúng kudá' tlakw taa eehadé'?