Marko 6:6 - Biblía Axweesantá Hhohho' ar Mungú 2004

⁶ Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.

Ya/abtór hho' 1977

⁶ Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.

Marko 6:6 Iomraidhean Croise

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Matayo 8:10

Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Matayo 9:35

Aluuwo Yesu gixsadu sleémeero nee ayeemo gina alhi'iimiít. Iri baraá maraá saalingw'ín wa intsaahhatimís. Ya/abtór hho' ar waawuti'iimár Mungú gari alki/iít, nee tiqtuuse sleémeero gari hungu/uumiís, nee slaqwaatlakwér dimbadimbé sleeme.

Marko 1:39

Iri daqáy baraá ayaá Galilaya sleémeero, iri alki/iít baraá maray'ín awa saaliingo, nee neetlaame gari hingeemiís.

Marko 10:1

Yesu didaádae iri tláy, iri hardáh yaamaá Yudea ay gayuú Yordani. Boo/oó yaariír guri male i burumburiít, giri intsaahhatimís adoodá' /iisí i /imamiisi.

Luka 13:22

Yesu ina waaraáhh ar baraá gixsadu nee aya, iri hara loohi intsaahhatimís qoomár iwa aaiiwós kay Yerusalemu.

Luka 4:31

Yesu iri aweér ay Kapernaumu, gixsár yaamaá Galilaya, giri intsaahhatimís deelór Sabaátoro.

Luka 4:44

Ya/abtór hho' gari alki/iít baraá maraá saaliingw awa yaamaá Galilaya.

Yohana 9:30

Heedaádá' iri oó', «Gaarí a gár waa/oo/amo, bar kuungá' amór i dahhi a xua'aaká, ala inós ilaaeé' gina qaytsitís.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.