Marko 6:56 - Biblía Axweesantá Hhohho' ar Mungú 2004

⁵⁶ Nee umuúqo dír aa kayi baraá gixsaduuwo nee tla/ángw ayko tiqtuuse kana dinkwarí burumbuúr didár boo/aay. Kuri harhheehhe'eemiís kuwa kwatiiti tam pasltá inqwaarirós. Nee kudá' sleémeero ngwa kwatimiitiye' tari hungaaguú/.

Ya/abtór hho' 1977

⁵⁶ Nee umuúqo dír aa kay baraá gixsaduuwo nee tla/ángw ayko tiqtuuse kana dinkwár i qaás. Kuri harhheehhe'eemiís kuwa kwatiiti tam pasltá inqwaarirós. Nee kudá' sleémeero ngwa kwatimiitiye' tari hungaaguú/.

Marko 6:56 Iomraidhean Croise

2 WAAWITÁ 13:21

Qoomarka wake muu iwa heé foliiti, daqtá slaqwaruuse kana ár, tuuadá' ngiri kwahhiyé' baraá /aantár aáng Elisha kway foól, inooín niri gowiyé'. Tuuadá' fadaá Elisha ngiwa kwatít, ina waaslé/, iri sihhít ar ya'aawós.

FAARO 15:37

Aluuwo AAKOÓ MUNGÚ Mose guri báy,

Matayo 14:36

Kuri firín tam pasltá inqwaarirós kilós ngiwa kwatiitiya'. Nee mukdá' sleémeero pasltá inqwaarirós gaa kwatiit, iri hungaguú/.

Matayo 9:20

Siiwadár kilae /ameenirka wák ar tiqtír ubíngw tseerdu nina hardát. Inós i tiqaaqiín ay kureeri mibaá nee tsár. Ina amór alaá Yésúr ót, guri pasltá inqwaari kwatít.

Marko 3:10

Asma múk yaariír guna hungu/uumiís, awa slahh'amuú dimbadimbé ngu koomá' sleémeero kuri i tseewúy ar tliqa as kuwa kwatitár wa slai.

Marko 6:55

Tari haratláy sleémeero, yaamuudá' kiri harweér, tiqtuuse kari huwahuúw umuúqo dír kwi axaasi.

Luka 22:51

Ala Yesu iri oó', «Mawaak, a ido.» Iiár heedaádá' gari kwatiít, guri hungu/uús.

Luka 6:19

Boo/aay sleémeero inós guna kwatiitár wa slaá', asma /uuruudá' hungu/uumiís oo amoorós daáhh, kudá' sleémeero gi hungu/uumiís.

Luka 8:44

Ina alaá Yésúr ót, guri pasltá inqwaari kwatít, nee hamtidár kilae tseerduuwós niri qawiyé'.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Tlehhema'aá ya/Abuuse 4:9

laarí atén ti yaahamiis daanduú tlehhmuú hhoó', kudá' taa tleéhh dír heedaáda' taa hungu/uús, tawa kaahi /uuruú ira hunguú/ a /uuruú heemá.

Tlehhema'aá ya/Abuuse 5:15

Tam tiqtuuse sleeme kari huwahuúw ar falo nee ar hhafeeto afaá loohír i ale, as geehhaantamoó Petro ngiwa slay qoomár inós bir waaraahh.

DABE 22:12

«Inqwaarirók ar tsitaay paslemoowós tsiyahhaawo afuuntlureek.