Marko 6:23 - Biblía Axweesantá Hhohho' ar Mungú 2004

²³ Lo'o gari /aáy gana báy, «Umuúqo gár ta sla'a ngi haniís, tam waawuti'iimar'eé' qasisaro a ya/aám.»

Ya/abtór hho' 1977

²³ Lo'o gari huúw iri oó', “Umuúqo gár ta sla'a ngi haniís, tam waawuti'iimar'eé' qasisaro a ya/aám.”

Marko 6:23 Iomraidhean Croise

2 WAAWITÁ 6:31

Inós iri oó', «Aníng tam Mungú i gaasi nee ar tí ba/a ngi án i tleehhi, Elisha garmoó Shafati buraqo isa tsatiiká laarí.»

ESTA 5:3

Waawutmo inós gari báy, «Waawutó'o Ésta, kiíng gár ta sla' a milá? Gár ta sla' a milá, aáma? Tam tlaqtá waawuti'iima ngi haniís.»

ESTA 5:6

Qoomár inooín tawa difaáír xufi, waawutmo Esta gari báy, «Firoorók a milá. Kiíng ti qáy? Gár ta sla' a mila? Tam tlaqtá waawuti'iima kingi haniis.»

ESTA 7:2

Nee bál tsare inooín tawa xufiiti, waawutmo Esta gari malé yaahaás, gari báy, «Waawutó'o Ésta, firoorók a milá? Kiíng ti qáy. Gár ta sla' a milá aáma? Tam tlaqtá waawuti'iima kingi haniis.»

AXWEESANOÓ SAGALOOA 6:2

daqaní taa kilók ót ar axweesanaywók, taa kilók nagwáhh ar al'axweesantók.

Matayo 14:7

Tam Herode al'axweesani gari oó' ar lo'o. Iri oó', «Umuúqo gaaro ar kiíng ta sla' firiimang.»

Matayo 4:9

guri báy, «Muruuwí sleémeero aníng ngu kuúng i haniís, aníng bira i tumbararaa'át iri sluufmís.»

Marko 6:24

Dasi iri tleér ay amór aayoorós, gari yaahás gana beér, «Gár ni firiim a milá?» Aayo gari beér, «Ságw Yohanedá' Baatimaamiís na firiimeek.»

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»