Marko 5:40 - Biblía Axweesantá Hhohho' ar Mungú 2004

⁴⁰ Kuri ló'wa waaqaseesén. Inós mukduú hatlá' nguwa tsee/áy duúx, baabuú dasiidaádá' nee aayoorose ginara tláy, nee mukdá' nee inós ti koomá', tari dáh amoodár dasi i diri'.

Ya/abtór hho' 1977

⁴⁰ Kuri wa qaseesén ló'wa ale. Inós mukduú hatlá' nguwa hhe'eés tsee/áy duuxaro, baabuú dasiidaádá' nee aayír'ín ginara tláy, nee mukdá' nee inós ti koomá', tari dáh amoodár dasi i diri'.

Marko 5:40 Iomraidhean Croise

IIMU/UUNGW 19:14

Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

2 WAAWITÁ 4:33

Naagáy afkú do' guri tseék, AAKOÓ MUNGÚ guri firín,

NEHEMIA 2:19

Aluuwo Sanbalati oo xoorór Horoni nee sagadiyusmoowós Tobia, heé xoorór Amoni, nee Geshemu, kuduú ma/araabumo, kaangwí nguwa axaasiyé' tina waaqasené', tiri waaqaqaaiyé', tari oó', «Gaarí ta tlehhita' a milá? Xáy kuungá' an sla'á'a waawutmo kuwa sia?»

YOBU 12:4

Aníng aga gár waaqaseengw tleehhiít dír mulqer'eene. Anínguuwí Mungú ugwa firiim iri mu/aywaáts, anínguuwí gan'amuú koóm nee oo xaslxaansli wásl aga gár ta waaqaseesen tleehhiít dír muko.

WARA'AMI 22:7

Kudá' aníng iga ariye' i waaqasesená' kángw kilá' wa ale, i niqimisiyá' iwa sagér i dingitimisiya'.

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Matayo 7:6

«Gár hhoohhoo' ma seeaawérií haniisara', asma inooín kuungá' nun harawarqayá' nuri kikiihhiyá'. Slám miisli ma baynuú i kwakwaahhara', asma inooín mingiwa yaamií adaraahiyé'.»

Marko 5:39

Iwa baraá dó i dáh, gina báy, «Masa amoqwadé'? Nee mas /aa/amiindá'? Dasi aa gwaiká, in gú'.»

Marko 5:41

Dasiidá' gari dawa óh, gari báy, «Talita kum,» gídaabárós, «Dási, án a kah tláw.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»