Marko 5:24 - Biblía Axweesantá Hhohho' ar Mungú 2004

²⁴ Tiri koné' nee inós. Mukdá' yaariír guri eehár ar tliqa.

Ya/abtór hho' 1977

²⁴ Tiri koné' nee inós. Mukdá' yaariír guri eehaár ar tliqa.

Marko 5:24 Iomraidhean Croise

Marko 3:20

Aluudae Yesu iri waátl amór do'. Boo/aay iri malé burumburiít, tam inooín pa/ángw muruú /ayma kur /ayi kwaa slayká.

Marko 5:23

guri ló'wa firín guna báy, «Dasir'eé' tooka niina i afkú bohóngw i dirí'. Xa qwaláng, dakók i qaaseek, i hungu/, miwa gwá'.»

Marko 5:25

Nee /ameenirka i deer ar tiqaaqiim kureeri mibaá nee tsár ar tiqtír ubíngw tseerdu.

Marko 5:31

Eeharuuseerós guri beér, «Múk yaariír adór ur tliqiít u ga/eerakáhe? Kuúng mas malé yaahamís tawa kat, ‹Heé án iga kwatiit a heemá?› »

Luka 11:29

Qoomár boo/aydá' sleémeero iwa burumburiít, Yesu giri báy, «Qartír tlakuuse a múk tlákw, asma a múk layár leelehhiít, ala layár ta laqan i káhh, aqo har layár Yona kilós.

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 19:3

Heewí Yesu guna artá wa slaá' axáy a heé adoomá. Ala arto gwa aleeslayká as boo/oó muu, asma inós ku ququmamaár.

Luka 7:6

Yesu nee inooín tiri koné'. Iwa dír bihhaá dó' i tseewúy, geeraharusmooduú askaári mulqeerós gari amoorós i ya/aáw, kuri báy, «Aáko, ma tawó daawitaar, asma aníng a hariimaaká kuúng tawa baraá dooeé' dat.

Luka 8:42

asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Luka 8:45

Yesu iri oó', «Heé án iga kwatiit a heemá?» Umuúqo heewo iri oó', «A aningeeká.» Petro iri oó', «Aáko, múk yaariír kwí kuúng una harweér nee ugwa tliíq.»

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.