Marko 4:5 - Biblía Axweesantá Hhohho' ar Mungú 2004

⁵ Oo hatlá' ina paáhh gawaá tla/u, didae hhapér yaariir i káhh. Dahaasingwdá' niri ti'iít ar gaanslaay, as hhapér bu'uut iwa kahh gawaá daanduú tla/uudae.

Ya/abtór hho' 1977

⁵ Dahaasíngw hatlá' ina paáhh gawaá tla/u, didaádár hhapér yaariir iwa kahh. Nari ti'iít ar gaanslaay, as hhapér bu'uut iwa kahh gawaá daanduú tla/uudae.

Marko 4:5 Iomraidhean Croise

ESEKIELI 11:19

Aníng kuungá' nu muunuú /abén nee qeeruú /abén i haniís. Muunuúdá' gawít, adór tlaa/ano, un hingeés, nee muunuú wananaá' oo ilaiwa/ame nguri qaás,

ESEKIELI 36:26

Aníng kuungá' nun muunuú /abén i haniís, nee qeeruú /abén nguri qaás baraahúng i alé. Muunuúdá' gawít baraahunge oo adór tlaa/ano un hingeés, nee nuri muunuú ilaiwa/amér i haniís.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

Matayo 13:20

Nee kudá' aa paahh gawaá tla/u, an slaqsoó mukdá' axweesani gaa axaas, nee axweesantadá' kari ilaóh ar qwala/.

Marko 4:4

qoomár iwa dahaasin, dahaasiingw bahh'alé ina paáhh afaá loohi. Tsir/o niri hardát, dahaasingwdá' guri /ák.

Marko 4:6

Tsee/amá iwa gwa/aát iri káh, asma dír dee/ár nguy sihhi i káhh.

Luka 8:13

Kuduú gawaá tlaa/a an slaqsoó mukdá' axweesani gaa axaas, kari ilaóh ar qwal/amaaye, ala dee/áruuín i kaahh. Haratlintaaor'ín ar deelór niina. Qoomár iiara'at birna xáy, kay máy.

Luka 8:6

Oo hatlá' ina paáhh gawaá tlaa/a. Niwa ti'iít iri káh, asma hhapér kilá' i káhh gawaadae.