Marko 4:3 - Biblía Axweesantá Hhohho' ar Mungú 2004

³ «Iia qaasaak, heeko ina dahaasíngw áy,

Ya/abtór hho' 1977

³ “Iia qaasaak, dahaasusmo ina dahaasíngw áy.

Marko 4:3 Iomraidhean Croise

WARA'AMI 34:11

Qwalaasaré', kuungá' ná/ii, iiárií qaasaré', án kuungá' nu intsaahhatimiís adór AAKOÓ MUNGÚ kur ilaiwawa/a'.

WARA'AMI 45:10

Dási, axaás, qaytsiít, iiarók qaaseek, mukók gunqaareeseek nee doó baabuúwók sleeme,

AXWEESANOÓ SAGALOOA 7:24

Gimsé' na/iieé', aníng iiárií qaasaré', axweesanoó afku'eene ni kah axaasaak.

AXWEESANOÓ SAGALOOA 8:32

«Daaqay'eé', hám daxta iia qaasaak, heé amohhoó' a kudá' loohir'eé' gaa oh.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

Matayo 13:24

Yesu gina slaqsoó hatlá' báy, iri oó', «Waawuti'iimár doori a slaqás nee heé dahaasíngw hhó' gwa baraá qaymoorós i dahaas.

Matayo 13:26

Qoomár angaáno iwa hapapaa'amiít nee iwa /uuntluumisi, sla/a sleeme iri geehhoouúr.

Matayo 13:3

Yesu muruú yaariír guri dir'ín i axweés ar slaqsi'i, iri káh, «Heeko wák ina dahaasíngw áy.

Marko 4:14

Dahaasusmoodá' gár i dahaasin a axweesantá Mungú.

Marko 4:2

Muruú yaariír guri intsaahhatimís ar slaqsi'i. Qoomár iwa intsaahhatimisi ina oó',

Marko 4:23

Heé iaá axamis gi koóm, i axaasi.»

Marko 4:4

qoomár iwa dahaasin, dahaasiingw bahh'alé ina paáhh afaá loohi. Tsir/o niri hardát, dahaasingwdá' guri /ák.

Marko 4:9

Yesu giri báy, «Heé iaá axamis gi koóm, i axaasi.»

Tlehhema'aá ya/Abuuse 2:14

Petro iri sihhiít dinkwa nee ya/abuuseedá' mibaá nee wak, iri tseé' ar afór ur iri oó', «Kuungá' múk Yahudi, nee kuungaásingaá sleémeero baraaká' Yerusalemúr hootá', axweesanay'eé' kwí iiárií qaasaak. /Aymuuwí xuaak,

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»