Marko 4:26 - Biblía Axweesantá Hhohho' ar Mungú 2004

²⁶ Yesu iri oó', «Waawuti'iimár Mungú slaqsaywós a adór heé aa dahaasin.

Ya/abtór hho' 1977

²⁶ Iri oó', “Waawuti'iimár Mungú slaqsaywós a adór heé aa dahaasin.

Marko 4:26 Iomraidhean Croise

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

DAHARUSMO 11:4

Heé fur'ár ga/áw i baloó dahasiiká. Heé faakamaá huunkoó daamaraám gár i fiiqi i káhh.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 32:20

Kuungá' a múk amohhoó' asma an dahasiindá' dír ma'aay i dirii'iya', hikwaahúng nee daqwayerhunge in hi'iimitiyá' ar adór ni slaiya'.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Matayo 13:24

Yesu gina slaqsoó hatlá' báy, iri oó', «Waawuti'iimár doori a slaqás nee heé dahaasíngw hhó' gwa baraá qaymoorós i dahaas.

Matayo 13:3

Yesu muruú yaariír guri dir'ín i axweés ar slaqsi'i, iri káh, «Heeko wák ina dahaasíngw áy.

Matayo 13:31

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee ilmoó xa'anooko ta bay haradaáli, oo hee aa baraá qaymoorósí dahaás.

Matayo 13:33

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee gár mikaáte ir sluufaasluf, ar /ameeni aa qás baraá puuruú, oo har afi qoomoó deebadaá tsár, tam puuruúdá' sleémeero iri sluúf.»

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Marko 4:25

Umuúqo heewo oo gár koóm ka dook, nee kudá' gár koomaaká, tam tidá' i kon ka hayoh.»

Marko 4:27

Dahaasingwdaádá' niri ti'iít, iri uraaráy umuúqo deeloóro ar adór inós i xuiiká, asma inós xweeraawo in guu', tlaatla/ango in baraá gadiyeduuwós i tláy.

Luka 13:18

Gawaá adoorihe Yesu iri oó', «Waawuti'iimár Mungú gár kara slaqamís a milá? Laqaá aníng gár ngir alqoomees a milá?

Luka 8:11

Yesu giri báy, «Gídaabár slaqsaay a tí: Dahaasiingw a axweesantá Mungú.

Luka 8:5

«Heeko wák ina dahaasíngw áy, qoomár iwa dahaasin dahaasiingw guna tsaafimiís, bahh'alé ina paáhh baraá loohi, kuri kal/án nee muu, tsir/o guri /ák.

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.