Marko 4:24 - Biblía Axweesantá Hhohho' ar Mungú 2004

²⁴ Giri báy, «Qaytsité', har qoomaydá' kuungá' tar qoomaamesa', kungu kuungá' i qoomeemees, nee sleeme kunguri har waarahhaas.

Ya/abtór hho' 1977

²⁴ Giri báy, “Qaytsité', har qoomaydá' kuungá' tar qoomaamesa', kungu kuungár qoomeemees, nee slamtí kungu har waarahhaas.

Marko 4:24 Iomraidhean Croise

AXWEESANOÓ SAGALOOA 19:27

Garmaaeé', a tsiní intsaahhatisa bara meér axamiisuuwo, barqo gaa a xú' an sí' eeharto.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

YEREMIA 17:21

Anuú AAKOÓ MUNGÚ a kah, ‹Bar amohhooár slafingwhúng a sla'á', ti haramagahhe', hee huwa mingiwa gagaár deelór Sabaátoro, nee mingiwa dahaás ar afér gixsár Yerusalemu.

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Marko 9:7

Naxés huunki nina ti'ít, giri geehhantés, afo nay baraá huunkidá' wa ilawáts i kat, «Kwí a Garmaaeé', sla'aarusmooeé', inós iiárií qaasaak.»

Luka 8:18

«Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.