Marko 4:17 - Biblía Axweesantá Hhohho' ar Mungú 2004

¹⁷ Ala dee/ár i kaahh baraaine, nee tan hoot qoomár niinawe. Aluudaádae slahh'amaaye laqaá gusisiingw binda ti'iít as daanduú axweesantadá', tari dukuuts.

Ya/abtór hho' 1977

¹⁷ Ala dee/ár i kaahh baraaine, nee tan hoot qoomár niinawe. Aluudaádae slahha'amaaye laqaá gusisiingw binda ti'iít as daanduú axweesantadá', tari dukuuts.

Marko 4:17 Iomraidhean Croise

YOBU 19:28

I ya/aán kuungá' tawa kiloohúng oa', ‹Adór kur eeharaan? Gár kur oohaan as kuwa sakwasleemutaan.›

Matayo 11:6

Heé amohhoó' a kudá' insarehhír koomaaká daanduueene.› »

Matayo 12:31

Gawaá adoorihe, án kuungá' nu baw, muu ku gurtláy umuúqo tlakweemaawo nee umuúqo /aymuú /ooslimto. Ala kudá' Qeeruú hhoohhoó' oo Mungú gwaa /ooslin, ku gurtlayká.

Matayo 13:21

Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

Marko 4:16

Kudá' aa paahh gawaá tlaa/a an slaqsoó mukdá' axweesantadá' gaa axaas, nee gari ilaóh ar qwala/.

Marko 4:18

Nee kuduú hatlá' taa dahaás baraá laqaya' an slaqsoó mukdá' gaa axaas,

Luka 12:10

«Umuúqo heewo oo /aymuú /ooslima gu oó' daanduú Garmoó Heewo ku gurtláy, ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe ku baloó gurtlayká.

Yohana 8:31

Aluuwo Yesu múk Yahudi kudá' gwa haratlintii' guri báy, «Kuungá' bara kumité' axweesante'eé' iialooeemisuuwo, aga eeharuuser'eé' ar ló' tleehhité'.

Galatia 6:12

Mukdá' sleémeero kuungá' nu harakeemiís as tunduwa al/utlin, inooín nun harakeemisiyá' as muu nguwa sla'atisiya'. Gár adoorí ngis tlehhiitiya' a wak kilós, as kahhó' mikiwa slahh'eemiís as msalaábár Kristo.

2 Timoteo 1:15

Kuúng a xú' adór mukduú baraá yaamaá Asia sleémeero aníng ira geexáy, tam Figelo nee Hermogene sleeme.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.